UZ

Сўнгги янгиликлар

09:00"Олтин тўп"га асосий даъвогар футболчи жароҳат олди  0 08:32Яна бир терма жамоа ЖЧ йўлланмасини қўлга киритди  4 08:03Валерий Кичин: "Ҳалол ўйин бўлишини истардим"  18 07:36Ўзбекистон Қирғиз Республикасига ҳеч қандай имконият қолдирмаган учрашувдан ФОТОГАЛEРEЯ  2 02:00Месси фаолияти ҳақида: "Бунинг якуни яқинлашиб келмоқда"  2 01:45ЖЧ-2026 саралаши. Гаттузонинг дебютида Италиядан йирик, Франциядан ишончли ғалаба ва бошқа натижалар  2 01:19ОКМК назорат ўйинида Про-лига жамоасини икки марта мағлуб қила олмади  0 00:58Урмат Абдукаимов: "Ҳакамларнинг қарорлари футболчиларнинг фаолиятига катта таъсир ўтказади. Ҳакамлар ҳам шуни билиши ва ҳис қилиши керак"  8 00:47"Навбаҳор" ўртоқлик ўйинида "Нефтчи"ни мағлуб этди  7 00:23Лаутаро ЕЧЛ финалидаги мағлубият ҳақида: "5 кун гапира олмаганман"  1 23:45Лотар Маттеус: "Германия жуда ёмон ўйнади. Ҳисоб 5:0 бўлиб кетиши ҳам мумкин эди"  1 23:24Тимур Кападзе: "Жаҳон чемпионати учун аниқ режа? Барчаси ҳал бўлгунча кутиш керак"  37 22:55"Барселона" Ромеу клубдан кетганини маълум қилди  0 22:36"Реал" мухлислари жамоанинг август ойидаги энг яхши футболчисини танлаб олди  0 22:13ЛаЛига "Барселона"га рухсат берди  1

Қалби нурга тўла инсон Янгиликлар

Қалби нурга тўла инсон

Одамлар умрни оқар дарёга қиёслашади. Дарҳақиқат, инсон умри бамисоли дарё каби ўтиб бораверади.

Унинг қилган ишлари ортида қолади, эзгулик сари қилинган иш эса инсон қадрини оширади. Бежизга эзгулик юксак баҳоланмаган. Сабаби, дин уламолари ҳам эзгу ишларнинг мукофоти юқори бўлиши ҳақида жуда кўп таърифлар келтиришган.

Ҳозир мен ана шундай эзгу амалларни канда қилмаган, олийжаноб инсон ҳусусида гап юритмоқчиман. Бу инсон марҳум сенатор, давлат ва жамоат арбоби Мираброр Усмоновдир. Шунингдек, у “Ezgu niyat” кўп тармоқли тиббиёт маркази ва “Эзгу мақсад” халқаро жамоат ҳайрия фонди асосчиси ҳамдир. Оддий ошпазлик соҳасидан сенатор, давлат ва жамоат арбоби даражасига эришиш учун қанча меҳнат ҳамда машаққатлар зарурлигини бир тасаввур қилиб кўринг-а. Камтар, самимий ва қалби нурга тўла бу инсон доим эл-юрт манфаати учун ҳаракат қилиб келганлигини жуда кўпчилик билади. Бу инсонни мен ўзимга устоз ҳам деб биламан. Мен М.Усмонов билан кўп кўришмаган, кўп гаплашмаган бўлсамда, лекин у кишининг қилган яхши ишлари ҳусусида жуда кўп эшитиб, айримларининг гувоҳи ҳам бўлганман.



Бугун М.Усмоновнинг ҳаётни тарк этганлигига роппа-роса 6 ой ўтибди. Қаранг вақт қандай тез ўтмоқда. Кечагина у инсон клиника фаолиятидан анча ҳурсанд бўлганликлари ва илиқ сўзларни айтганликлари ҳусусида эшитган эдим. Бугун 15 сентябр, жорий йилнинг 15-март куни М.Усмоновнинг ҳаётдан кўз юмганлиги хусусида хабарлар тарқала бошлади. У инсоннинг олийжаноблиги ва қилган ишлари ҳам ОАВ да эсга олинди (илова қилинади). Буни эшитиб эса, кайфиятим тушкун бўлиб қолди. У инсоннинг бир қанча бошлаб қўйган эзгу ишлари нима бўлади деган ўй ҳаёлимда тинмай айлана бошлади. “От ўрнини той босади”-деган халқимизда мақол бор. Дарҳақиқат, энди М.Усмоновнинг эзгу ишларини унинг ўғли Жаҳонгир Усмонов давом эттирмоқда. Мен Ж.Усмоновга ҳам отаси сингари юксак марраларга эришишини тилаб қоламан.



Мираброр Зуфарович умри давомида бир нечта спорт иншоотлари қурилиши, жумладан "Ўзбекистон" спорт мажмуаси, Сув спорт саройи, Гимнастика мажмуаси, Миллий олимпия қўмитаси биноси, Фарғонадаги "Истиқлол" стадиони, Нукусдаги "Турон" стадиони, Бухородаги "Бухоро" стадиони қурилишида жонбозлик кўрсатган. Бугунги кунда оддийгина стадионлар майсасини янгилаш масалалари қай даражада қийин эканлигини кўрар эканмиз, юқоридаги спорт иншоотларининг барпо этилиши у кишининг ўзбек спорти ривожига қай даражада ҳисса қўшганлигини исботлаб турибди.

Шунингдек, Мираброр Усмонов МОҚ президенти бўлган даврда Ўзбекистон учун Олимпия ўйинлари тарихидаги рекорд натижа қайд этилган. Спортчиларимиз Рио Олимпиадасида 13 та медаль қўлга киритиб, умумжамоа ҳисобида 21-ўринни эгаллагани ҳам Усмонов бошлаб берган ислоҳотларнинг мевасидир!

Бундан ташқари, Мираброр Усмонов даврида ўзбек клублари Осиё чемпионлар лигаси учун 4 та квотага эга бўлишди. Жамоаларимиз ОЧЛнинг ярим финал босқичига қадар етиб борди.

Усмонов ҳаётда ҳам олийжаноб инсон эди. Инсонларга ҳамиша қўлидан келганича ёрдам берган. Бу ҳақда ортиқ гапирмаса ҳам, кўпчилик билади.


Ф. Жуманов

Рейтинг: +28   

Фикрлар

championat.asia
< сўнгги янгиликларни кўриш
Яндекс.Метрика