ПСЖ президенти Ал Ҳелайфи 28 ойга қамалиши мумкин
09 мар 2022 15:57
Янгиликлар
ПСЖ президенти Ал Ҳелайфи 28 ойга қамалиши мумкин
Швейцария прокуратураси биринчи инстанция судининг ПСЖ президенти ва "beIN Media" раҳбари Носир Ғаним Ал Ҳелайфига нисбатан оқлов қарорига апелляция берди ва 28 ойлик қамоқ жазосини талаб қилди, деб хабар беради L'Équipe.
Ҳозирда Беллинзона федерал жиноий судининг апелляция палатасида суд жараёнлари бўлиб ўтмоқда. Яна бир айбланувчи ФИФАнинг собиқ раҳбарларидан бири Жером Валке 35 ойлик қамоқ жазосига ҳукм қилинди. Учинчи айбланувчи грециялик Константинос Нтерисга - 30 ойлик қамоқ жазоси.
ПСЖ президенти ФИФА собиқ бош котиби Жером Валкени жиноятларга ундашда айбланмоқда. Иш аввалроқ кўриб чиқилган ва 2020 йилнинг октябрь ойида Ал Ҳелайфи биринчи инстанция судининг қарорига кўра оқланган, Вальке эса шартли равишда 120 кунлик озодликдан маҳрум этилганди.
Хабар қилинишича, Носир Ғаним Ал Ҳелайфи 2026 ва 2030 йилги жаҳон чемпионатларини трансляция қилиш ҳуқуқини сотиш бўйича ишда пора олганликда айбланган Валькега "сунъий устунликлар" тақдим этган.
Ўхшаш янгиликлар
championat.asia
ESPN XXI асрнинг энг яхши футболчилар рейтингини эълон қилди. ТОП-25
Бекободни катта футболсиз қолдирманг
Роналду: "Қайси биринг Мессини мендан кучлироқ дединг?"
Франция кубоги. "Ланс" ПСЖга пенальтилар сериясида мағлуб бўлди, Ҳусанов жамоасини ўйинда олиб қолган голига муаллифлик қилди!
Фикрлар