ПСЖ "Лион" футболчиси бўйича музокаралар олиб бормоқда

Француз клуби жорий қишки трансферлар ойнасида "Вулверхэмптон"га ўтган Пабло Сарабиянинг ўрнини тўлдириш учун Лига 1 вакили "Лион"нинг ёш футболчиси Райан Шеркини муносиб кўрмоқда. Ўтган ҳафтада Сарабия кетганидан кейин Шерки ПСЖ учун устувор вазифага айланди. Жамоа бош мураббийи Кристоф Гальтье Сарабиянинг бошқа жамоага йўл олишидан кейин таркибга бошқа вингер олиб келишга умид қилаётганини билдирган эди.

ПСЖ тезда эҳтиёткорлик билан ҳаракат бошлади. Сўнгги бир неча кунда 19 ёшли ўйинчи учун музокаралар олиб борилди ва ҳатто дастлабки расмий таклиф ҳам юборилди. Шундан буён муҳокамалар давом этмоқда.

Шерки "Лион" билан 18 ойлик шартномага эга. Клуб академия маҳсулини сотиш ёки сотмаслик борасида аниқ қарорга кела олмаяпти. Бу жамоанинг ҳужумдаги имкониятларини қисқаришига олиб келади. Шеркининг ўзи ПСЖдан бўлаётган қизиқишдан бехабар. Лекин бу парижликларнинг ёш ҳужумчи учун биринчи марта "Лион" дарвозасини биринчи марта тақиллатишлари эмас. У биринчи профессионал шартномасини имзолаганида ПСЖ унга қизиқиш билдирган эди.