ПРО-Лига, “А” гуруҳи. 11-турда энг кўп мухлис “Истиқлол”да

Аввало стадионларга ташриф буюрган томошабинлар ҳақида сўз юритамиз.

Ортда қолган 11-турнинг 4та ўйинига жами 5424та мухлис кирган. Бу ҳар бир ўйинга ўртача 1356 нафар томошабин демакдир.  

Энг кўп ишқибоз Фарғонада кечган турнинг марказий учрашувида кузатилди. “Истиқлол” – “Сурхон” ўйинини 2314та томошабин бевосита стадионнинг ўзида кузатиб борган. Қолган ўйинларда эса 2000та ҳам мухлис бўлмади. Муборакда кечган воҳа дербисига эса атига 187та ишқибоз қадам ранжида қилгани учрашув қайдномасида кўрсатиб ўтилган.

Томошабинлар ташрифи кимда қандай?

“ИСТИҚЛОЛ” – “СУРХОН” - 4:2 (3:0).
Фарғона шаҳри. “Истиқлол” стадиони. 2314 томошабин.
 “МАШЪАЛ” – “ШЎРТАН” - 3:0 (1:0).
Муборак шаҳри. “Б.Вафоев” номли стадион. 187 томошабин.
 “ДИНАМО” – “ОРОЛ” - 2:0 (1:0).
Самарқанд шаҳри. “Динамо” стадиони. 1600 томошабин.
 “НОРИН” – “АНДИЖОН” - 0:0.
Ҳаққулобод шаҳри. “Шодлик” стадиони. 1323 томошабин.