Превью. "Сўғдиёна" - "Қизилқум"

«Сўғдиёна» (Жиззах) – «Қизилқум» (Навоий)
1 июль 2016. Жиззах. "Жиззах" стадиони. 19:00
Ҳакамлар: В. Агишев (Тошкент), Р. Серазетдинов (Тошкент), В. Лушин (Гулистон), Д. Каримов (Тошкент)
Назоратчи: А. Арутюнов (Тошкент).

Ушбу жамоалар шу кунга қадар ўзаро 24 марта куч синашишган. Натижалар “Қизилқум”нинг устунлигини кўрсатмоқда. Навоийликлар 24 баҳснинг 13тасида ғалаба қозонишган. Тўртта учрашувда томонлар муроса кўчасини танлашган ва 7та ўйинда “Сўғдиёна”нинг қўли баланд келган. Тўплар нисбати ҳам “Қизилқум” фойдасига 30:21. Ўзаро ўинларда “Қизилқум”  43 очкони қўлга киритган бўлса, “Сўғдиёна” бўлса 25 очколик бўлган.

“Қизилқум”нинг “Сўғдиёна” устидан қозонган энг йирик ғалабаси – 4:1. “Сўғдиёна”нинг  “Қизилқум”устидан қозонган энг йирик ғалабаси эса – 4:1 ни ташкил этади.

2015 йил биринчи даврада Навоийда “Қизилқум” йирик ғалабага эришган эди. Бахриддин Ваҳобов хет-трик қайд этган бўлса, Вячеслав Шевченко битта гол урган. Жиззахликлар сафида ягона жавоб тўпига Музаффар Музаффаров муаллифлик қилган – 4:1. Қизиғи Жиззахда ўтган ўйинда ҳам худди шу ҳисоб қайд этилган. Иззат Ғаниев, Бобур Қосимов, Жасур Ҳасанов ва Собир Ҳамидовнинг голларига “Қизилқум” сафида Баҳриддин Ваҳобов жавоб берганди – 4:1.

“Сўғдиёна” майдонида ўтган сўнгги беш учрашув:
02.08.2015 «Сўғдиёна» - «Қизилқум» 4:1
07.11.2014 «Сўғдиёна» - «Қизилқум» 1:0
17.08.2013 «Сўғдиёна» - «Қизилқум» 2:1
19.03.2011 «Сўғдиёна» - «Қизилқум» 0:2
19.08.2009 «Сўғдиёна» - «Қизилқум» 0:1

Ўзаро ўйинлар ҳақида факт: “Сўғдиёна” уйида бўлиб ўтган баҳсларда “Қизилқум”ни 7 бор мағлуб этган. Тўртта учрашувда “Қизилқум” ғалаба қозонган, битта ўйинда дуранг қайд этилган. Жиззахликлар ўз майдонларидаги охирги уч ўйинда ушбу рақиб устидан зафар қучишган.