Превью. "Қизилқум" - "Насаф"
26 авг 2015 09:40
Янгиликлар

Превью. "Қизилқум" - "Насаф"

Навоийда "Қизилқум" клуби Қаршининг "Насаф" клубига қаршилик қилади.

«Қизилқум» (Навоий) – «Насаф» (Қарши)
26 август 2015. Навоий. "Сўғдиёна" стадиони. 18:30
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), Д. Каримов (Тошкент)
Назоратчи: И. Шарипов (Бухоро).

“Қизилқум” ҳамда “Насаф” клублари олий лигада шу кунгача 31 бор куч синашишган. “Аждарлар” 19та ўйинда ғалаба қозонишган. 6та учрашувда “Қизилқум”нинг қўли баланд келган. Бу жамоалар ўртасидаги ўйинларда 6 марта дуранг қайд этилган. Тўплар нисбатида устунлик “Насаф” томонида: 58:33. “Аждарлар” ўзаро ўйинларда 63 очкога эга бўлишган, “Қизилқум” эса 24 очкони қўлга киритган. “Насаф”нинг “Қизилқум” устидан қозонган энг йирик ғалабаси 7:1га тенг бўлса, “Қизилқум”нинг қаршиликлар устидан эришган энг йирик ғалабаси – 3:1.

5-турда Қаршида ўтган учрашувда Артур Геворкян пенальтидан ҳисобни очганди. Иккинчи бўлимда Шоҳруҳ Гадоевнинг икки голига Баҳриддин Ваҳобов жавоб берганди - 3:1.

"Қизилқум" майдонида бўлиб ўтган сўнгги беш учрашув:
06.06.2014 «Қизилқум» - «Насаф» 1:1
10.08.2013 «Қизилқум» - «Насаф» 0:1
21.09.2012 «Қизилқум» - «Насаф» 1:1
10.03.2011 «Қизилқум» - «Насаф» 0:1
16.10.2010 «Қизилқум» - «Насаф» 1:2

Ўзаро ўйинлар ҳақида факт: “Қизилқум” майдонида кечган баҳсларда мезбонлар 5 марта ғалаба қозонишган. 4 ўйинда дуранг қайд этилган. “Насаф” эса сафардан 6 марта уч очко билан қайтган. Охирги 6та ўйинда “Қизилқум” ўз майдонида бу рақибни мағлуб эта олмаган.