ПРЕВЬЮ. Ўзбекистон кубоги. Бешинчи беллашувда кимнинг иши беш бўлади?

Миржалол Қосимов бошчилигидаги АГМК Қаршида "Насаф" меҳмони. Биз эса дастлабки финалчини аниқлаб берадиган учрашувдан олдин айрим маълумотларга тўхталиб ўтамиз. 

Насаф Ғолиб Ғайбуллаев - 45', Алибек Давронов - 60'

Ўзбекистон кубоги . 3-тур 13/10/2022, 19:30 1 : 2 Тугади

ОКМК Сияваш Ҳақназарий - 37'

45'

90'

45'  Ғолиб Ғайбуллаев

45'  Акмал Мозговой

58'  Дилшод Саитов (Зафармурод Абдураҳматов)

58'  Шерзод Насруллаев (Шароф Муҳитдинов)

60'  Алибек Давронов

60'  Акмал Мозговой

79'  Акмал Мозговой (Муродбек Раҳматов)

79'  Матеус Лима (Сухроб Нуруллоев)

88'  Умар Эшмуродов (Ален Масович)

37'  Сияваш Ҳақназарий

37'  Дилшод Аҳмадалиев

76'  Шоҳруҳ Гадоев (Муҳаммаданас Ҳасанов)

76'  Абдулла Абдуллаев (Санжар Турсунов)

85'  Мартин Боаке (Миржаҳон Мираҳмадов)

85'  Сияваш Ҳақназарий (Миржамол Қосимов)

89'  Артем Филипосян (Дан Спатару)

Матч-центрда очиш

КЕТМА-КЕТ  УЧИНЧИ ЙИЛ ЯРИМ ФИНАЛДА ТЎҚНАШУВ 

Жамоалар қаторасига учинчи мавсумдирки, мамлакат кубоги ярим финалида тўқнаш келишмоқда. Умуман кубокда ўзаро 4 маротаба учрашишган. Кичик устунлик АГМК томонида 2та ғалаба, 1та баҳсда "Насаф"нинг қўли баланд келган. АГМК ўз тарихида биринчи бор финалга чиққан 2018 йилги мавсумда ярим финалда айнан "аждарлар"ни ортда қолдирганди. Яна 1 учрашувда муроса кўчаси танланган. Бешинчи беллашувда омад кимга кулиб боқишини оқшомда билиб оламиз.  

18.03.2009. АГМК - "Насаф" 1:1 (пенальтилар сериясида 5:6)

30.05.2018. АГМК - "Насаф" 2:1

16.12.2020. АГМК - "Насаф" 1:0

24.11.2021. АГМК - "Насаф" 0:2

ФИНАЛ ОСТОНАСИДАГИ ФАКТЛАР 

"Аждарлар" шу кунгача 7 маротаба финалда ўйнаган. Уларнинг 2тасида бош совринга эга чиққан бўлса, 5та ўйинда имконият бой беришганини айтиш мумкин. Бухоро финали улар учун АГМК тўсиғидан ўтган тақдирда саккизинчиси бўлади ва "Бунёдкор"дан (9 маротаба финалда) кейин учинчи ўринга чиқиб олади. АГМК ўз тарихидаги тўртинчи финалга йўлланма олиш арафасида. 

ЖАМОАЛАРНИНГ ЧЕМПИОНАТДАГИ ЮРИШИ ҚАНДАЙ КЕТЯПТИ?

Рўзиқул Бердиев шогирдлари иккинчи даврани кўтаринки руҳда давом эттирмоқда. Жамоа чемпионлик йўлидаги муҳим учрашувда Тошкентда "Пахтакор"ни мағлуб эта олди. Айни пайтда турнир жадвалида пешқадам бўлиб турган "Насаф"да ажойиб имконият юзага келган. Буёғи барчаси жамоанинг ўз қўлида. Қаршиликлар мавсумни 2та кубок билан якунлаши мумкин. 

АГМК эса совринли ўринлардан бироз узоқлашди. "Қизилқум"дан учралган мағлубият жамоанинг имкониятларини камайтириб юборди. Учинчи ўринда кетаётган "Пахтакор" билан орадаги фарқ 7 очко. Шундай экан олмалиқликлар эндиликда бор кучларини Ўзбекистон кубогига сарфлашлари турган гап. 

ЯРИМ ФИНАЛ ПОЙТАХТ КЛУБЛАРИСИЗ 

Чорак финал "Навбаҳор", "Сўғдиёна", "Насаф", АГМК финал йўлланмаси учун кураш олиб боради. Ажаблантирган жиҳати шуки, жорий йилда мусобақа ярим финалига бирорта пойтахт клуби йўл олгани йўқ. Бундай ҳолат сўнгги бор 1999/2000 йилги мавсумда кузатилган бўлиб, финал остонасида "Дўстлик" (Тошкент вилояти), "Нефтчи" (Фарғона), "Насаф" (Қарши), "Динамо" (Самарқанд) жамоалари иштирок этган эди. Кейинги йилларда "Трактор", "Пахтакор",  "Бунёдкор", "Локомотив" бу босқичдан доимий ўрин олиб келган. 

Бухоро финали томон ким манзилида давом этади ёки ортга қайтади, барчасини билиш учун оз вақт қолди.