Превью. "Олмалиқ" - "Нефтчи"

«Олмалиқ» (Олмалиқ) – «Нефтчи» (Фарғона)
8 май 2016. Олмалиқ. "ОКМК" стадиони. 18:00
Ҳакамлар: Ш. Қосимов (Тошкент), Т. Гайнулин (Тошкент), А. Сидоров (Тошкент), Д. Жалимов (Нукус)
Назоратчи: Р. Айтеков (Тошкент).

“Нефтчи” ва “Олмалиқ” олий лигада 16 марта тўқнаш келишган. Ушбу ўйинлардан 9тасида фарғоналиклар ғолиб бўлишган. 3та ўйин дуранг ҳисобида якунланган, “Олмалиқ” ҳисобида 4та ғалаба мавжуд.

“Нефтчи” шу кунгача ўзаро ўйинларда “Олмалиқ” дарвозасига 32та тўп киритган, Тошкент вилояти клуби эса “Нефтчи” дарвозасига 17та гол урган. “Олмалиқ”  ўзаро ўйинларда 15 очко ишлаб олган бўлса, “Нефтчи” 30 очкони қўлга киритган. “Нефтчи”нинг олий лигада “Олмалиқ” устидан эришган энг йирик ғалабаси 4:0 ни ташкил қилади. “Олмалиқ”нинг йирик ғалабаси эса 3:1.
 
Ўтган йил 12-турда Фарғонада ўтган ўйинда Дилёрбек Эрматов, Акмал Холматов ва Шукурали Пўлатов томонидан урилган голларга меҳмонлардан Арслонмурод Омонов жавоб берганди – 3:1. Олмалиқда эса мухлислар голлар шоусининг гувоҳи бўлишган. Майдон эгалари сафида Жаҳонгир Абдумўминов, Дониёр Исмоилов ва Евгений Гоголь, фарғоналиклар таркибида Рўзимбой Аҳмедов, Адриан Кашкавал ва Шерзод Ҳакимов гол уришганди – 3:3.

Олмалиқда ўтган барча учрашувлар:
26.10.2015 «Олмалиқ» - «Нефтчи» 3:3
26.09.2014 «Олмалиқ» - «Нефтчи» 1:0
25.05.2013 «Олмалиқ» - «Нефтчи» 3:1
15.03.2012 «Олмалиқ» - «Нефтчи» 0:0
05.03.2011 «Олмалиқ» - «Нефтчи» 2:1

Ўзаро ўйинлар ҳақида факт: Олмалиқда ўтган 8та ўйиннинг 4тасида мезбонлар зафар қучишган. Уч баҳсда томонлар дуранг ўйнашган. “Нефчти” сафарда фақат бир марта (2010 йил) ғалаба қозонган.