Превью. "Навбаҳор" - "Обод"

«Навбаҳор» (Наманган) – «Обод» (Тошкент)
30 апрель 2016. Наманган. "Марказий" стадиони. 18:00
Ҳакамлар: З. Қодиров (Навоий), Т. Галеев (Тошкент), А. Пўлатов (Тошкент), Б. Юльчараев (Гулистон)
Назоратчи: А. Арутюнов (Тошкент).

“Навбаҳор” ва “Обод” клублари биринчи бор олий лигада тўқнаш келишади.

“Обод” дастлабки турни Қўқонда ўтказиб 0:1 ҳисобида мағлубиятга учради. Иккинчи турни ўз уйида “Бухоро” билан нурсиз дуранг қайд этди – 0:0. Кейин Қаршида “Насаф” билан баҳсда 0:1 ҳисобида имконият бой берилди. Ниҳоят тўртинчи турда Тошкент клуби олий лигада дастлабки голларини уришга эришди. “Қизилқум”га қарши ўйинда 2:2 ҳисоби қайд этилди. 5-турда тошкентликлар Бекободда 1:2 ҳисобида имкониятни бой бериб қўйишди. Бир тур олдин “Обод” Тошкент дербисида “Бунёдкор”дан 0:4 ҳисобидаги мағлубиятни қабул қилиб олганди.

“Навбаҳор” мавсумни кетма кет икки мағлубият билан бошлади. Дастлаб ўз уйида “Локомотив”га 2:3 ҳисобида ютқазган жамоа сафарда “Нефтчи”га ҳам имкониятни бой берди – 0:1. Учинчи турда “Сўғдиёна” билан Наманганда дуранг ўйналди (0:0). Кейин Муборакда “Машъал”га имконият бой берилди – 1:2. Ниҳоят бешинчи турга келиб “лочинлар” ғалаба қозонишди. Ўз уйида “Шўртан” таслим қилинди – 3:1. Охирги турда Рашид Ғофуров шогирдлари сафарда “Олмалиқ”қа ютқазишди – 1:2.

Факт: “Навбаҳор” ўз уйидаги 3та ўйинда уч хил натижа қайд этган (ғалаба, дуранг ва мағлубият). “Обод” сафардаги 3та ўйиннинг барчасида мағлуб бўлган.