Превью. "Навбаҳор" - "Динамо"

«Навбаҳор» (Наманган) – «Динамо» (Самарқанд)  
25 апрель 2015. Наманган. “Марказий” стадиони. 17:30
Ҳакамлар: В.Коваленко, Н.Рўзимов, Д.Сайлалов, А.Шукуруллаев.
Назоратчи: Ғ.Каримов.

“Навбаҳор” ва “Динамо” олий лигада 42 бора тўқнаш келишган. Натижалар водий клуби устунлигини кўрсатмоқда. “Лочинлар” 22та ўйинда ғолиб бўлишган, 8та ўйин дуранг ҳисобида якунланган. “Динамо” эса ушбу рақибни ҳозирга қадар 12 марта мағлуб этган. Тўплар нисбатида ҳам устунлик “Навбаҳор” томонида - 77:38. Ўзаро ўйинларда “Навбаҳор” 74, “Динамо” эса 44 очкони қўлга киритган.

“Навбаҳор”нинг ўзаро ўйинларда қозонган энг йирик ғалабаси – 7:1га тенг. “Динамо”да бу кўрсаткич анча кичик – 2:0.

Ўтган мавсум биринчи даврада Самарқандда бўлиб ўтган баҳсда майдон эгалари ғалаба қозонишган. Санъат Шихов биринчи, Ғулом Ўрунов иккинчи бўлимда “Навбаҳор” дарвозасига тўп киритганди – 2:0. Наманганда кечган учрашувда майдон эгалари сафида Шахбоз Эркинов ва Мансур Саидов гол уришган, “Динамо” таркибида Комил Шарофутдинов ва Илдар Маматказин жавоб беришганди – 2:2.

Наманганда бўлиб ўтган сўнгги беш учрашув:
07.11.2014 «Навбаҳор» - «Динамо» 2:2
25.08.2013 «Навбаҳор» - «Динамо» 1:1
12.05.2012 «Навбаҳор» - «Динамо» 1:1
18.10.2011 «Навбаҳор» - «Динамо» 1:1
21.08.2010 «Навбаҳор» - «Динамо» 2:0

Ўзаро ўйинлар ҳақида факт: “Динамо” водийда бу жамоага қарши ўйинларда умуман ғалаба қозона олмаган. 15та учрашувда “Навбаҳор” муваффақиятга эришган. Қолган олти баҳсда томонлар муроса кўчасини танлашган. “Лочинлар” уйидаги сўнгги тўрт учрашувда дуранг қайд этилган.