Превью. "Динамо" - "Қизилқум"

«ДИНАМО» – «ҚИЗИЛҚУМ» 
4 апрель 2015. Самарқанд. "Динамо" стадиони. 16:00
Ҳакамлар: И.Танташев, А.Қўлдошев, В.Лушин, К.Расулов.
Назоратчи: Ш.Жумаев.

Бу икки клуб олий лигада 30 бора тўқнаш келган. Ушбу ўйинлардан 12тасида навоийликлар ғолиб бўлишган. 8 ўйин дуранг ҳисобида якунланган. “Динамо” шу кунга қадар олий лигада “Қизилқум”ни 10 марта мағлубиятга учрата олган.

“Динамо” 41та гол урган ва 38та ўтказиб юборган. “Қизилқум” ўзаро ўйинларда 44 очко ишлаб олган. Самарқандликларнинг кўрсаткичи эса 38 очко. “Қизилқум”нинг олий лигада “Динамо” устидан эришган энг йирик ғалабаси 3:1 ни ташкил қилади. “Динамо”нинг эса навоийликлар устидан қозонган энг йирик ғалабси – 6:1 га тенг.

2014 йилнинг биринчи даврасида “Қизилқум” 2:0 ҳисобида зафар қучди. Шерали Жўраев ва Алишер Холиқов “Динамо” дарвозасига тўп киритишганди. Самарқандда ўтган баҳсда меҳмонлар ҳимоячиси Георгий Квесиешвили икки бор ўз дарвозасига тўп киритиб қўйган. Алишер Азизов эса “Динамо” дарвозасига бир бор гол урган – 2:1.

Самарқандда ўтган сўнгги беш учрашув:
20.09.2014 «Динамо» - «Қизилқум» 2:1
04.08.2013 «Динамо» - «Қизилқум» 1:0
27.09.2012 «Динамо» - «Қизилқум» 3:0
21.08.2011 «Динамо» - «Қизилқум» 1:1
01.05.2010 «Динамо» - «Қизилқум» 0:0

Ўзаро ўйинлар ҳақида факт: “Динамо” ўз уйида 9 марта ушбу рақибни таслим қилган. Фақат 4та баҳсда дуранг қайд этилган. “Қизилқум” сафардан 2 марта ғалаба билан қайтган.  Сўнгги учта учрашувда “Динамо” Самарқандда ғолиб бўлган.