Превью. "Бухоро" - "Гулистон"

«БУХОРО» – «ГУЛИСТОН»
18 октябрь. Бухоро. “Бухоро” стадиони. 16:00
Ҳакамлар: О.Толибжонов, Б.Норсафаров, С.Шоюсупов, Н.Қосимов
Назоратчи: Г.Имомов.
Комиссар: А.Фролов.

Натижалар “Гулистон”нинг кичик устунлигини кўрсатмоқда. Бахтиёр Ашурматов бошчилигидаги жамоа 5та ўйинда ғалаба қозонган бўлса, “Бухоро” тўрт бор зафар қучган. Бу жамоалар ўзаро ўйинларда умуман дуранг қайд этилмаган. Тўплар нисбатида устунлик “Бухоро” томонида: 19:12. “Гулистон” ўзаро ўйинларда 15 очкони қўлга киритган, “Бухоро” ҳисобида уч очко кам жамғарилган. “Гулистон”нинг “Бухоро” устидан қозонган энг йирик ғалабаси 2:0га тенг бўлса, “Бухоро”нинг ушбу рақиб устидан эришган энг йирик ғалабаси ҳақиқатан ҳам йирик – 8:1.

Биринчи даврада Гулистонда ташкил этилган баҳс тақдирини битта гол ҳал қилганди. Ўша ўйиннинг 4-дақиқасида Хуршид Йўлдошев учрашувдаги ягона голни “Бухоро” дарвозасига урганди – 1:0.

Бухорода ўтган сўнгги тўрт учрашув:
13.09.2003 «Бухоро» - «Гулистон» 1:2
17.08.2000 «Бухоро» - «Гулистон» 3:0
08.06.1994 «Бухоро» - «Гулистон» 4:2
15.05.1993 «Бухоро» - «Гулистон» 8:1

Ўзаро ўйинлар ҳақида факт: “Бухоро” бу рақибни ўз майдонида 3 марта мағлуб эта олган. Бир марта “Гулистон” сафарда уч очкога эга бўлган.