Почеттино МЮга мағлуб бўлганидан сўнг нималар деди?

"Ғалабага биз эмас, бошқа жамоа лойиқ эди. Ўйин бошида қийин бўлди, рақиб яхши ҳаракат қилди. Биз якшанба куни ўйнагандик ва тайёргарлик учун вақтимиз бир кун камроқ бўлди. Шунинг учун, ўйинни ўзимиз истаганимиздек бошлай олмадик. 

Биз етарли даражада вазиятлар яратдик. Иккинчи бўлимни яхши бошладик, аммо кейин гол ўтказиб юбордик ва кейин барчаси қийинлашиб кетди. 

Барча футболчиларимизнинг қайтишини кутиб, ўйин даражасини кўтаришимиз керак. Ҳозир ҳақиқий кураш кетмоқда ва бизга даражани кўтара оладиган футболчилар керак. Бу муаммонинг ечими бўлади. 

Ўйинни баҳолаш қийин. Чунки, МЮда тикланиб олиш учун бир кун кўпроқ вақт бўлди. 

Барчасини Палмерининг елкасига ташлаб қўйиш керак эмас, у ҳали жуда ёш. У трансфер ойнасининг сўнгги кунида бизга ёрдам бериш учун келди. У яхши гол урди", - деди Почеттино.