Пицци Саудиядан кўп нарса кутяпти

Терма жамоа бош мураббийи Хуан Антонио Пицци бу ўйинга тайёргарлик яхши олиб борилганини айтиб ўтди. "Биз жаҳон чемпионатидан кейин энди йиғилдик, - дейди аргентиналик мураббий. - Жаҳон чемпионати турлича таассурот қолдирди. Россиядан учралган йирик мағлубиятни ҳамон унутганим йўқ. Ўша куни иккала жамоа орасидаги фарқ катта эмасди, лекин биз индивидуал хатолар туфайли мағлуб бўлдик".

"Лекин бу энди ўтмиш. Доим келажакка қараб ишлаш керак. Терма жамоа эшиги ҳамма футболчилар учун очиқ. Ким ўзини кўрсатса жамоага таклиф этаман. Биз Осиё Кубогига қадар кучли таркибни шакллантиришимиз керак. Мен қўл остимдаги жамоадан кўп нарса кутяпман".

Саудия Арабистони сўнгги бор Осиё Кубогида 1996 йил зафар қучган. Жамоа бу сафар "Е" гуруҳида Қатар, Ливан ва КХДРга қарши баҳс олиб боради.