Петраков: “Жамоани ЖЧга олиб чиқиш учун келдим. Имкониятларимиз етарли”

-Ўйин учун, дуранг учун йигитларга раҳмат. Бизда ҳали имконият бор ва биз охиригача курашамиз.

-Футболчиларни қандай қилиб руҳлантирдингиз?

-Чин юракдан гапираяпман. Айнан қандай гап-сўзларни ишлатганим кийиниш хонасида футболчилар билан орамизда қолади. Қандайдир ўзгариш бўлдими, демак йигитлар мени тушунишди. Улар мени қабул қилишди ва барча режаларни амалга оширишга интилишди. Очиғи, жудаям хавотирлангандим. Ярмоленко ва Пятов менга катта ёрдам беришди. Мен уларга кўп мурожаат қиламан, маслаҳатлашаман.

Шевченко ва унинг мураббийлар штабига миннатдорчилик билдираман. Улар 5 йил ичида терма жамоа учун катта ишларни амалга оширишди. Йигитларга, менга беқиёс ёрдам беришди. Йигитлар илгари 5-3-2 тактик схемасида тўп тепишган, 5-4-1 да умуман ўйнашмаган. Биз мураббийлар штаби билан тактик машғулотлар устида ишладик, йигитлар бизга қулоқ солишди. Эрталабки машғулотларда 40 дақиқа давомида стандартлар устида, ҳимоядан чиқиш борасида ишладик.

 -Жамоа плей-оффга йўл олишига ишонасизми?

-Бу менинг орзуим. Мен Ёшлар ўртасида иккита ЖЧда иштирок этганман. Терма жамоага ҳам айнан ЖЧга чиқиш учун келдим.