Пеп Гвардиола иштирокидаги матбуот анжумани

"Бу ўйин мен учун ўзгача аҳамиятга эга эканлигини тушунишингиз керак, чунки "Барселона" 30 йил давомида менинг уйим бўлган, аммо ҳозирда "Бавария" мураббийиман ва ўз вазифамни бажаришим керак.

Биз Мессини тўхтатиб қола олмаймиз, "Бавария" фақат унга оширилган ёки Леодаги тўпларни олиб қўйишга ҳаракат қиламиз.

Сўнгги йилларда Чемпионлар лигасида ҳеч ким тўпга эгалик қилиш бўйича "Барселона" каби натижа қайд этмаяпти. Германия ва Европада биз кўпроқ тўп билан ҳаракат қиламиз, аммо "Камп Ноу"да бу вазифани уддалаш қийин бўлади.

Биринчи учрашувда гол урмай, рақибни Мюнхенда мағлуб этишимиз ва финалгача етиб боришимиз қийин бўлади. Ҳимоядаги ўйиндан доимо фойда чиқмайди.

Агар жароҳатланганлар ўрнини тўлдира олмаганимизда Германия Бундеслигасида ҳам ғалаба қозона олмаган бўлар эдик. Йўқотишларни баҳона қила олмайман.

Левандовски шуғулланяпти, у билан суҳбатлашиб кўраман. Агар Роберт 100% тайёр бўлса, уни майдонга тушираман.

Тьягога келадиган бўлсак, у "Камп Ноу"га қайтганидан хурсанд. Бу ер иккаламизнинг ҳам уйимиз".

"Мен "Камп Ноу"да кўп учрашувларда майдонга тушганман, аммо "Бавария" сафидаги ўйин бошқача бўлади. Эртага бизга юклатилган вазифани уддалаймиз деб умид қиламан.

Бу ер Гвардиоланинг уйи ҳисобланади, аммо ўртага финал тикилган".

"Мен доимо ўйинга ва ҳужумчиларга қарши тайёргарлик кўраман. Бу уч ҳужумчини ҳам тўхтатиб қолса бўлади.

Эртага дарвозани қуруқ сақлашга ҳаракат қиламиз, чунки бу жуда муҳим. "Барселона"га қарши учрашувда ҳимоявий ўйин намойиш этмаймиз.

Тер Штеген ажойиб дарвозабон ва оёқда яхши ўйнайди. У билан яхши муносабатдаман ва ҳамкасбимга омад тилайман. Тер Штеген ва Браво жуда яхши посбонлар".