Жасур Абдураимов бошчилигидаги ёшларимиз дастлаб 7 сентябрь куни Хитойга қарши ўйинда 2:1 ҳисобида зафар қучишди. 9 сентябрда эса Сурия 3:1 ҳисобида таслим қилинди. Вакилларимиз бугун Япония ёшларига қарши сўнгги учрашувни ўтказишди. Учрашувда 1:1 ҳисоби қайд этилди. Шу тариқа, Ўзбекистон ёшлари мусобақа чемпиони бўлишди.
Турнир ташкилотчилари Ўзбекистон ёшлар терма жамоаси ярим ҳимоячиси Азиз Ғаниевни энг яхши футболчи деб топишди.
Ўзбекистон - Хитой 2:1
Голлар: Азиз Ғаниев, Санжар Қодирқулов
Ўзбекистон - Сурия 3:1
Голлар: Достон Ибрагимов, Азиз Ғаниев, Жасур Яхшибоев
Ўзбекистон - Япония 1:1
Гол: Жасур Яхшибоев
Таъкидлаш жоиз, Жасур Абдураимов бош мураббийлигидаги Ўзбекистон U-19 ёшлар терма жамоаси 28 сентябрь – 6 октябрь кунлари Бангладешда бўлиб ўтадиган Осиё Чемпионати саралаш баҳсларида иштирок этадилар.
Гулшан Саъдуллаева Хитойдан championat.asia учун махсус
