Ўзбекистон U-14 чемпионати. "Локомотив U-14" - "Одил Жуниор U-14" учрашувидан сўнг мураббийларнинг фикрлари

Зайниддин Тожиев ("Одил Жуниор U-14"  бош мураббийи) - Бу ёшда футболчиларнинг барқарор ўйин кўрсатишига ҳали анча бор. "Локомотив"да хоҳиш бироз кучлироқ бўлди, дея оламан. Лекин ўйинимиз тизимидан чиқиб кетди. Ўйин эрталаб вақтлироқ бўлганигами болаларимизда ҳаяжон ҳам бор эди. Ўз ўйинларини кўрсата олишмади. Ушбу рақиб билан шу йил уч маротаба тўқнашган бўлсак, барчасида 2:1 ҳисобида ғалаба қозондик. Улар ҳам ҳаракат қилди. Ғалаба билан табриклайман.

Суннатилла Абдурасулов ("Локомотив U-14" бош мураббийи) - Ушбу баҳсга жуда қаттиқ тайёргарлик кўрган эдик. Чунки Тошкент шаҳар чемпионати финалида "Одил Жуниор"га мағлуб бўлиб иккинчи ўринни олгандик. Қайсидир маънода аламли мағлубият учун реванш олдик. Навбатдаги ўйинларга ҳозирликни бошлаймиз. Ҳозирда "Арал Самали" келмагани учун кўп нарса ўзгариб кетди. Гуруҳдан чиқишимиз "Одил Жуниор" ва "Пахтакор" ўртасидаги баҳсга ҳам боғлиқ. Футболда омад ҳам муҳим аҳамият касб этади.