Ўзбекистон терма жамоаси "Монг Кок" стадионида машғулот ўтказди

"17 ноябрь куни Ўзбекистон миллий терма жамоаси ОК-2015 саралаш босқичининг 5-тур учрашувига тайёрларликни давом эттирди. Жамоа шаҳарнинг марказида жойлашган "Монг Кок" стадионида машғулот олиб борди. Машғулот чоғида, мураббийлар теҳник ва тактик жиҳатларга эътибор қаратишди. Бундан ташқари, стандарт вазиятларга ҳам алоҳида урғу берилди. Умуман олганда, жамоа Гонконг билан ўйинга тайёр деб айтса ҳам бўлаверади. Жамоа ичидаги муҳит жуда яхши. Терма жамоанинг ҳар бир аъзоси муҳим ўйинга жиддий тайёрланяпти. Эртага, 18 ноябрь куни учрашувдан олдинги матбуот анжумани ўтказилади. Қолаверса, икки жамоа менеджерлари иштирокида учрашув бўлиб ўтади. Куннинг иккинчи яримида эса, Ўзбекистон терма жамоаси ўйиндан олдинги расмий машғулотини ҳам ўтказади", - деб ёзилади Ўзбекистон миллий терма жамоасининг твиттердаги расмий аккаунти.

Эслатиб ўтамиз, Осиё Кубоги-2015 саралаши доирасидаги Гонконг - Ўзбекистон учрашуви 19 ноябрь куни Тошкент вақти билан соат 17:00да бошланади.