Ўзбекистон терма жамоаси мураббийи "Интер"да — Эртага клуб қароргоҳида вице-президент Занетти билан учрашув

Денис Иванков "Интер"га иш ўрганиш учун йўл олган. "Насаф"нинг собиқ мураббийи, айни пайтда миллий терма жамоа штабида фаолият кўрсатаётган мутахассис "Интер" жамоаси дарвозабонлар мураббийларининг фаолияти, машғулот жараёнлари билан танишиб, малака оширади ва тажриба алмашади.

Мазкур масала бўйича Ўзбекистон терма жамоаси бош мураббийи Эктор Купер Денис Иванковга "Интер"да малака ошириш учрашувини ташкил этишга кўмаклашган. Биласиз, ўз вақтида "Интер"ни бошқарган Купер қўл остида ҳозирги кунда клуб вице-президенти лавозимида ишлаётган аргентиналик ҳамюрти Хавьер Занетти ўйнаган. Шу боисдан ҳам Купернинг илтимосига кўра Занетти Денис Иванковга "Интер"да малака ошириш курсини ташкил этиб бермоқда.

Денис Иванковнинг "Интер" жамоасида малака ошириш курси учун Милан шаҳрига етиб борган. Бугун Иванков Занетти билан қўнғироқлашган ва эртага клуб қароргоҳида учрашиш бўйича келишиб олишган.

Ўзбекистон терма жамоаси дарвозабонлар мураббийи бир ҳафтага яқин "Интер" жамоасида малака оширади.

МТЖ, Осиё Кубоги, Купер, "Насаф", испан тили тўгараги, Нестеров ва терма жамоанинг бўлажак биринчи рақами ҳақида — Денис Иванков билан суҳбат