Ўзбекистон олимпия терма жамоаси назорат учрашувида дуранг қайд этди
18 янв 2019 22:53
Янгиликлар

Ўзбекистон олимпия терма жамоаси назорат учрашувида дуранг қайд этди

Ўзбекистон олимпия терма жамоаси шу кунларда Туркиянинг Анталия шаҳрида ўқув-машғулот йиғини ўтказаётгани ҳақида хабар бериб ўтгандик.

Мазкур йиғин давомида бир қатор назорат учрашувлари ҳам ўтказиш режалаштирилганди.

Жумладан, бугун Ўзбекистон олимпия терма жамоаси Анталияда Озарбайжоннинг "Кешла" клубига қарши назорат ўйинида майдонга тушди. Учрашув 0:0 ҳисобидаги дуранг билан якунига етди. Ўйин давомида мураббийлар штаби таркибдаги барча футболчиларни синовдат ўтказишга ҳаракат қилишди. Турли ўйин услубларини майдонда қўллаб кўришди, дея хабар беради ЎФА Матбуот хизмати.

Мазкур назорат ўйинлари орқали мураббийлар штаби терма жамоа асосини шакллантириб боришади.

Ҳавола :

Манба : ufa.uz

Янгиликларни Телеграмда ўқинг!

Рейтинг: +8