Ўзбекистон футзалининг энг яхшиларини тақдирлаш маросимига таклиф этамиз

23 май куни чемпионатнинг якунловчи учрашувлари бўлиб ўтади.

17:00 да старт оладиган сўнгги учрашувга ОАВ вакиллари ҳамда футзал мухлисларини таклиф этамиз. Беллашувдан сўнг мамлакат чемпиони, вице-чемпиони ҳамда бронза медали соҳиблари тақдирланади. Шунингдек, мавсум юлдузлари, энг яхши футзалчи ва мураббийлар ўз совринларини қабул қилиб олади.

Футзал мухлисларига байрамона кайфият улашиш мақсадида Лига улар иштирокида ўзига хос лотерея ташкил этишни режалаштирган. Сиз Юнусобод спорт мажмуасига 17:00 гача ташриф буюриб, мажмуага киришда бепул рақамли чиптани қўлга киритиш имкониятига эгасиз. Ўйин якунида эса чипта рақамингиз омадли чиқса, 5 та чангютгич, 5 та телевизор ёки 5 та велосипеддан бирининг эгасига айланишингиз мумкин.