UZ

Сўнгги янгиликлар

01:45ЖЧ-2026 саралаши. Германия мағлуб бўлди, Нидерландия дуранг ўйнади ва бошқа натижалар билан танишинг  7 01:20Валерий Карпин: "Иорданиядан бунақасини кутмагандик"  9 00:51Родри: "Бу жароҳат менинг фаолиятимни узайтирди"  0 00:33Даниэль Леви 24 йилдан сўнг "Тоттенхэм"дан кетди  1 00:03Ўртоқлик учрашуви. Россия - Иордания ўйинида голлар урилмади  5 23:51Фаррух Сайфиев Расул Чориевнинг ҳолидан хабар олди  12 23:31Ўртоқлик учрашуви. Саудия Арабистони Шимолий Македония термасини мағлуб қилди  0 23:09Ўзбекистон терма жамоаси Қирғизистонга қарши ўйин олдидан машғулот ўтказди ГАЛЕРЕЯ  4 22:51Эрон "CAFA Nations Cup-2025" финалига йўлланма олди  8 22:15Килиан Мбаппе: "Бизга дам керак"  6 21:51Трентнинг "Реал"га ўтганига бўлган муносабат Майкл Оуэнга ёқмади  1 21:25Элдор Шомуродов: "Ниятимиз финалга чиқиб, чемпион бўлиш"  14 20:59ЖЧ-2026 саралаши. Қозоғистон ўз майдонида Уэльсга имкониятни бой берди  14 20:40"Насаф" назорат ўйинида "Шўртан"га икки марта ютқазди  2 20:20МЮ "Атлетико" футболчисини ижарага олмоқчи бўлган, аммо рад жавобини олган  0

Ўзбекистон футбол ассоциацияси Iticket.uz чипталар оператори билан ҳамкорлик қилади Янгиликлар

Ўзбекистон футбол ассоциацияси Iticket.uz чипталар оператори билан ҳамкорлик қилади

Хабарингиз бор, Ўзбекистон миллий терма жамоаси 10 октябрь куни Жаҳон чемпионати-2022 иккинчи саралаш босқичи доирасида Яман билан баҳс олиб боради.

Мазкур ўйин олдидан Ўзбекистон футбол ассоциацияси раҳбарияти Iticket.uz компанияси директори Мирхосил Мажидий билан учрашув ўтказди ва олдиндаги ўйин чипталари савдосини амалга ошириш масаласини батафсил муҳокама этиб олди.

Сир эмаски, Ўзбекистон миллий терма жамоасининг уй ўйинларига ҳамиша кўп сонли мухлислар ташриф буюради. Аммо олдинги йилларда кўп ҳолатларда Ўзбекистон футбол ассоциацияси терма жамоа иштирокидаги ўйинлар учун чиқарилган чипталарнинг олиб-сотарлар қўлида қайтадан сотилиши муаммосига дуч келди. Натижада аксарият ишқибозлар чипталар олди-сотдиси жараёнидан норози бўлишди.

Мана шу каби хунук ҳолатларнинг олдини олиш, қолаверса мухлислар учун қўшимча қулайликлар яратиш, бу орқали эса чипталарнинг шаффоф савдосини таъминлаш мақсадида ЎФА Iticket.uz билан миллий терма жамоа ўйинлари чипталари савдосини амалга ошириш бўйича ҳамкорлик қилади.


УЕФА ҳамда ФИФА тасарруфидаги мусобақаларда ҳам расмий чипта оператори сифатида фаолият олиб борган ва бу борада улкан тажрибага эга мазкур компания Ўзбекистон – Яман учрашуви чипталарининг тўлиқ савдоси билан шуғулланади.

Эндиликда ишқибозлар вақтларини кетказмай, стадион кассаларида узундан-узун навбатларда турмасдан, уйдан чиқмаган ҳолда ҳам электрон шаклда чипталар ҳарид қилиш имконига эга бўлишади.

Мухлислар ўйин чипталарини Iticket.uz нинг шаҳобчаларидан, “Пахтакор” стадиони кассаларидан ҳамда онлайн тарзда Iticket.uz сайтидан ҳам ҳарид қилишлари мумкин бўлади. Ўзбекистон – Яман учрашуви чипталари 3 октябрь санасидан бошлаб сотувга чиқарилади.

Таъкидлаб ўтамиз, ЖЧ-2022 саралашининг 2-босқич 3-тури доирасидаги Ўзбекистон – Яман учрашуви 10 октябрь куни пойтахтимиздаги “Пахтакор” стадионида бўлиб ўтади. Ўйин соат 17:00да бошланади.  

Батафсил маълумотни Iticket.uz сайтидан олишингиз мумкин.  

Рейтинг: +47   

Фикрлар

championat.asia
< сўнгги янгиликларни кўриш
Яндекс.Метрика