"Ўйинни 5 юлдузли тушуниш". Мухлислар Бернарду Силванинг Португалия терма жамоаси гол нишонлаётган пайтдаги ҳийласини пайқаб қолишди

Мухлислар Гонсалу Рамуш Швейцарияга биринчи голни ургандан кейин Бернарду Силва ўзини қандай тутганига эътибор қаратишди. 

Қизиқарли жараён Championat.asia фотосуратчиси Толибжон Қосимов камераси объективига ҳам тушиб қолди. Қуйида бунга гувоҳ бўлишингиз мумкин.

"Манчестер Сити" ярим ҳимоячиси трибуна олдида узоқ вақт давом этган катта байрамда иштирок этмади. Аввалига у шерикларига қўшилди, лекин тезда майдонга қайтди.

Мухлислар аллақачон Бернардунинг бу қилмиши сабабини аниқладилар – уларнинг талқинига кўра, португалиялик футболчи швейцарияликларга тўпни майдон марказидан тезда ўйнаб кетишга имкон бермаган. 

Гап шундаки, ФИФАнинг тўпни майдон марказидан бошлашни тартибга солувчи 8-қоидасида шундай дейилган: "Бошланғич зарбани берувчидан бошқа барча ўйинчилар ўз жарима майдончаси тарафида бўлишлари шарт".

Бернарду тантанадан сўнг майдоннинг Швейцария жарима майдони томонга тушиб олди – шунинг учун ўйинни давом эттириб бўлмади.

Ижтимоий тармоқларда Бернарду билан боғлиқ ҳолат ҳақида қуйидагича изоҳлар ёзишди:

– "Бернардо ўйин тўхтаб турганда ҳам футболни 5 юлдузли тушунади";

– "Бу жуда муҳим, менимча, биз бу қоида ҳақида етарли маълумотга эга эмасмиз";

– "Элит менталитет";

–  "Мен ҳозиргина янги қоидани билиб олдим. Офарин, Бернарду".