Ойбек Усмонхўжаев: "Андижон" чемпионатда рақибларига муаммолар туғдира олади"
09 янв 2023 13:30
Янгиликлар

Ойбек Усмонхўжаев: "Андижон" чемпионатда рақибларига муаммолар туғдира олади"

Теглар : Ойбек Усмонхўжаев Пахтакор u-21

“Андижон” – “Пахтакор” U-21 (3:2) жамоалари иштирокидаги ўртоқлик учрашувидан кейин “Пахтакор” U-21 бош мураббийи Ойбек Усмонхўжаев ўз фикрлари билан ўртоқлашди.

- Ушбу ўртоқлик учрашуви “Андижон” учун ҳам, “Пахтакор” U-21 учун ҳам зарур эди. Бош мураббий сифатида ўйиндан қандай хулоса чиқардингиз?

- Қандай хулоса чиқаришим мумкин? Аввало, айтишим керакки, “Андижон” клуби Суперлигага чиқди ва уларга омад тилайман. Бу учрашув орқали шогирдларимизни кейинчалик нима қила олишлари мумкинлигини кўриб олдик. Айниқса, катта футболчилар орасида ўзимизнинг йигитларнинг имкониятларини чамалаб олдик. Бизга шуниси керак эди. Қайси бола бизда ўйнай олади, қайси бола асосий таркибга ўтади? Ҳаммасини кўриб чиқамиз.

- “Андижон” кўрсатган ўйин борасида нима деган бўлардингиз?

- Кўриниб турибдики, уларда катта “нагрузка” бўлган. “Андижон”ни ўз режаси бор. Таркибдаги футболчилари тажрибали. Ўйнайдиган йигитлар. Бизга дарс беришди.

- Суперлигадаги имкониятини қандай баҳолайсиз?

- Бирор нима дея олмайман. Яхши мураббий бор ва жамоани яхши тайёрлай олади. Қаерда ишлаган бўлса ҳам яхши таассурот қолдирган. Менимча, “Андижон” чемпионатда рақибларига муаммолар туғдира олади.

Ҳавола :

Манба : "Андижон" матбуот хизмати

Янгиликларни Телеграмда ўқинг!

Рейтинг: +1