Осиё Кубоги-2019. Мориясу рекорд остонасида
01 фев 2019 07:51
Янгиликлар
Абу Даби шаҳридаги "Зайед Спортс Сити" стадионида Қатар ва Япония терма жамоалари мусобақанинг ҳал қилувчи баҳсида иштирок этишади. Учрашув Тошкент вақти билан 19:00да бошланади.
Агар бугун Япония ғалаба қозонса, бу жамоа бош мураббийи учун ўзига хос воқеа бўлади. Бунинг сабаби Хажиме Мориясу ҳам футболчи, ҳам мураббий сифатида Осиё Кубогида зафар қучган илк инсонга айланади. Фақат бунинг учун японлар Қатарни мағлуб этиши шарт.
Маълумки, Япония ўз тарихида илк бор 1992 йил ўтказилган қитъа биринчилигида ғолибликни қўлга киритган. Ўшанда жамоага голландиялик Ханс Оофт мураббийлик қилган ҳамда Хажиме Мориясу футболчи сифатида ўйинларда иштирок этганди. Японлар финалда Такуя Такагининг ягона голи эвазига Саудия Арабистонини мағлуб этишган.
Шундан сўнг бу жамоа 2000, 2004 ва 2011 йил ўтказилган Осиё Кубокларида ҳам ғолибликни нишонлади. Шундай экан, 50 ёшли мураббий учун бугун аҳамиятли кун бўлади.
Ўхшаш янгиликлар
championat.asia
Суперлига. Пенальтидан тўп киритилмаган ва гол ҳисобга олинмаган ўйинда "Динамо" "Навбаҳор" билан жанговар дурангга имзо чекди
Суперлига. "Бунёдкор" Фарғонада "Нефтчи"ни мағлуб этди
Месси МЛСда ой ўйинчиси деб топилди
Суперлига. "Пахтакор" "Машъал" устидан минимал ғалабага эришди
Фикрлар