Осиё футболидаги эътиборга молик трансферлар (1-11 июль)

11 июль. Австралиянинг "Мельбурн Виктори" клуби испаниялик 31 ёшли ҳимоячи Алан Барони ўз сафига қўшиб олди.

9 июль. Сенегал терма жамоаси ҳужумчиси Паписс Сиссе "Ньюкасл"ни тарк этиб, "Шандонг Луненг" билан шартнома имзолади. Эслатиб ўтамиз, бу жамоани германиялик мураббий Феликс Магат бошқармоқда.

8 июль. Австралиялик дарвозабон Брэд Жонс Голландиянинг "Фейеноорд" клубига қўшилди.

8 июль. Жанубий Кореялик ҳимоячи Квак Тай Хви "Ал Ҳилол"ни тарк этиб, олдинги жамоаси "ФК Сеул" билан битимга имзо чекди.

7 июль. Хитой суперлигаси вакили "Бейжинг Гоан" ўзбекистонлик ҳужумчи Игорь Сергеевни ижара асосида ўз сафига қўшиб олди.

4 июль. Ўз тарихида биринчи бор ОЧЛ чорак финалига йўл олган "Локомотив" туркманистонлик легионер Артур Геворкянни ўз таркибига қўшиб олди.

4 июль. Ўз вақтида "Ливерпул"да тўп тепиб мухлислар эътиборини қозонган Флоран Синама-Поньол Таиланднинг "Чайнат Хорнбилл" жамоаси билан шартнома имзолади.

3 июль. Англиянинг энг номдор клубларидан бири "Арсенал" япониялик Такумо Асанони таркибга қўшиб олди.

2 июль. "Локомотив"нинг ОЧЛдаги рақби "Ал Айн" икки нафар футболчи билан шартнома тузди: БАА терма жамоаси вакили Амир Абдулраҳмон ва бразилиялик ярим ҳимоячи Кайо.

1 июль. Эронлик ёш ярим ҳимоячи Али Карими "Сепахон"ни тарк этиб, Хорватия клуби "Динамо" Загреб билан келишувга эришди. У янги жамоаси билан беш йилга мўлжалланган шартномага қўл қўйди.