Осиё чемпионатига (U-19) 24 апрель куни қуръа ташланади
08 апр 2014 08:39
Янгиликлар

Осиё чемпионатига (U-19) 24 апрель куни қуръа ташланади

Хабарингиз бор, ўтган дам олиш кунлари кузда Таиландда бўлиб ўтадиган ўсмирлар ўртасидаги Осиё чемпионатига (U-16) қуръа ташлаш маросими бўлиб ўтди.

Темур Олимхўжаев бошчилик қилаётган ўсмирларимизнинг гуруҳ босқичидаги рақиблари маълум бўлганди.

9-23 октябрь кунлари Мьянма давлати мезбонлик қиладиган ёшлар ўртасидаги Осиё чемпионатига (U-19) 24 апрель куни қуръа ташланади.

Ушбу чемпионатда иштирок этувчи 16 жамоанинг номи аниқ бўлиб улгурган. Улар орасида Ўзбекистон ёшлар терма жамоаси ҳам бор. Сергей Лушан бошчилигидаги Ўзбекистон ёшлар терма жамоаси апрель ойи сўнггида ўз рақиблари номини билиб олади.

Осиё чемпинатида (U-19) қатнашадиган жамоалар: Мьянма, Индонезия, Эрон, Ироқ, Япония, Уммон, КХДР, Қатар, БАА, Вьетнам, Хитой, Австралия, Жанубий Корея, Ўзбекистон, Таиланд, Яман.

Эслатиб ўтамиз, Ўзбекистон ёшлар терма жамоаси 2012 йил БААда бўлиб ўтган (U-19) Осиё чемпионатида ярим финалга қадар етиб борганди.

Ҳавола :

Манба : championat.asia

Янгиликларни Телеграмда ўқинг!

Рейтинг: