Ўртоқлик учрашуви. Эрон ўз уйида Ироққа ютқазди ВИДЕО
20 мар 2017 14:11
Янгиликлар

Ўртоқлик учрашуви. Эрон ўз уйида Ироққа ютқазди ВИДЕО

Теглар : Эрон Ироқ

Ўзбекистон миллий терма жамоасининг ЖЧ–2018 турнирига саралаш босқичидаги рақиби – Эрон терма жамоаси Ироқ термасига қарши ўртоқлик ўйинида майдонга тушди.

Мазкур учрашув Теҳрон шаҳридаги “Озоди” стадионида бўлиб ўтди. Эрон терма жамоаси учун жаҳон чемпионати саралаш босқичи иккинчи даврасига тайёргарлик вазифасини ўтаб берди.

Учрашувда битта гол урилди. Ироқликлар 76-дақиқада пенальтидан тўп киритиб ўртоқлик учрашувида Эронни мағлуб этишди.

Эрон терма жамоаси ЖЧ–2018 саралаш босқичи иккинчи даврасини 23 март куни сафарда Қатарга қарши ўйин билан бошлайди.

Маълумот учун, ЖЧ–2018 саралаш босқичи “А” гуруҳи 5-туридан кейин 11 очко тўплаган Эрон терма жамоаси пешқадамлик қилмоқда. Жанубий Корея 10 очко билан иккинчи, Ўзбекистон 9 очко билан учинчи поғонада бормоқда. 4–6 ўринларни мос равишда Сурия (5 очко), Қатар (4 очко) ва Хитой (1 очко) терма жамоалари эгаллаган.

TAS-IX эмас