Олий лига. 13-тур рамзий терма жамоаси
17 июн 2017 17:39
Янгиликлар
![](https://championat.asia/upload/storage/259775_original.jpg)
![](/upload/storage/259775_220.jpg)
Олий лига. 13-тур рамзий терма жамоаси
"Олмалиқ" бу турда ўз майдонида "Пахтакор"га имконият қолдирмади. Жамоа посбони Хуршид Ходжаев уйдаги ўйинларда гол ўтказмаслик сериясини яна давом эттирди. Эътиборлиси "Олмлаиқ" бу мавсумда ўз майдонидаги ҳеч бир ўйинда тўп ўтказгани йўқ! Ходжаев "шерлар"га қарши баҳсда бир неча бор хавфли зарбаларни қайтаришга эришди.
Ҳимоячи Раҳматулло Бердимуродов ҳам "Пахтакор" билан ўйинда анчагина фаол бўлди. Қанот ҳимоячиси бир неча бор ҳужумларга ҳам ўтиб турди. Шундай вазиятлардан бирида у боши билан Лобанов қўриқлаётган дарвозани ишғол қилиб ҳисобни очди.
"Қизилқум" ўз уйида Муборакнинг "Машъал" клубини доғда қолдирди. Бу учрашувда ҳимояда Шукурали Пўлатов рақиб ҳужумларини қайтаришда фаол бўлди. Ярим ҳимояни эса доимгидек Эркин Бойдуллаев бошқариб турди.
"Сўғдиёна" ҳам бу турда ғалабага эришди. Даврон Файзиев шогирдлари "Навбаҳор" устидан 2:1 ҳисобида зафар қучишди. Мезбонлар ҳимоясида Сардор Қулматов рақиб вакили Неманья Йовановичга гол уриш учун имконият қолдирмади. Санжар Рашидов эса мавсумдаги 7-голини урди.
"Динамо" Фарғонада "Нефтчи"ни 3:2 ҳисобида таслим қилди. Шу куни Самарқанд клуби сафида Жасур Азимов анчагина фаол ҳаракат қилди. Унинг учрашув бошида урган голи эса жуда чиройли чиқди.
"Локомотив" Бухорода "Бухоро" устидан ғалабага эришди. "Бухоро" собиқ ярим ҳимоячиси Саламат Қутибоев "темирйўлчилар" сафида захирадан майдонга тушиб голли пас берди ва гол урди.
"Насаф" Қашқадарё дербисида "Шўртан"ни таслим қилди. "Аждарлар" ярим ҳимоячиси Баҳром Абдураҳимов бошқаларга нисбатан фаол ҳаракат қилди. Бундан ташқари Абдураҳимов гол уришга ҳам муваффақ бўлди.
"Бунёдкор" ўз майдонида 11та ўйиндан буён мағлуб бўлмаган "Қўқон-1912"ни қабул қилиб ғалабага эришди. Шу куни "қалдирғочлар" сафида Достонбек Ҳамдамов дублга эришди.
"Металлург" Тошкентда "Обод" устидан 4:1 ҳисобида зафар қучди. Бекобод клуби ҳужумчиси Зоҳид Абдуллаев 3та гол уриб хет-трик расмийлаштирди.
championat.asia сайти талқинига кўра 13-турнинг рамзий терма жамоаси:
Дарвозабон
Хуршид Ходжаев ("Олмалиқ") (2-марта рамзий терма жамоада)
Ҳимоячилар
Раҳматулло Бердимуродов ("Олмалиқ") (2)
Шукурали Пўлатов ("Қизилқум") (2)
Сардор Қулматов ("Сўғдиёна") (2)
Ярим ҳимоячилар
Эркин Бойдуллаев ("Қизилқум")
Жасур Азимов ("Динамо") (2)
Саламат Қутибоев ("Локомотив")
Баҳром Абдураҳимов ("Насаф") (3)
Ҳужумчилар
Достон Ҳамдамов ("Бунёдкор") (5)
Санжар Рашидов ("Сўғдиёна") (3)
Зоҳид Абдуллаев ("Металлург")
Ўхшаш янгиликлар
![AMP Logo](https://championat.asia/image/logo-amp.png)
Фикрлар