UZ

Сўнгги янгиликлар

13:58Левченко: "Нега ғалабани мухлислар билан нишонламайман? Барчаси ўйиндаги асаб ва руҳий чарчоқ сабаб"  0 13:14Фергюсон "Манчестер Юнайтед"га қайтмоқчи эканини тан олди  9 12:35Аморимнинг "Реал"даги трансфер мақсади маълум бўлди  3 11:56"Реал" "Ливерпул"нинг навбатдаги юлдузини нишонга олди  7 11:20Месси МЛС тўпурарлар пойгасида етакчилик қилмоқда - 22 та ўйинда 22 та гол  3 10:53Бугун бўлиб ўтадиган "Арсенал" - "Манчестер Сити" баҳси учун жамаоларнинг эҳтимолий таркиби  13 10:27Мареска Санчеснинг 3-дақиқада олган қизили ҳақида гапирди  2 09:55Хаби Алонсо "Реал Мадрид" тарихида фақат икки мураббий эришган муваффақиятни такрорлади  8 09:23"Манчестер Юнайтед" - "Челси" учрашувининг биринчи бўлими АПЛ тарихига кирди  3 08:41"Барселона" Маркус Рэшфорд борасида бир қарорга келди  2 08:07Суперлига. Бугун 22-тур якунланади  6 08:05МЛС. Мессининг иккита голи ва битта голли узатмаси "Интер Майами" жамоасига "Ди Си Юнайтед" устидан ғалаба келтирди  27 07:35Саудия Пролигаси. "Ал Насср"дан йирик ғалаба. Роналдудан дубл  8 06:55Суперлига. "Нефтчи" – "Динамо" 2:1   0 06:40Эксперт фикри. Абдуқаҳҳор Маъруфалиев: "Бухоро"да янги мураббий таъсири кўринди, Фарғонада тенг ўйин бўлди. Лекин..."   7

"Олимпик" қишки "пауза"да қандай ўзгарди? Янгиликлар

"Олимпик" қишки "пауза"да қандай ўзгарди?

Championat.Asia муаллифи Эмиль Бекмуҳаммедов "Олимпик" ҳақида энг муҳим маълумотларни, аниқроғи, клубдаги қишки "пауза"да бўлган ўзгаришларни жамлади.

Таркибдаги ўзгаришлар

"Олимпик" таркибидаги асосий ўзгаришлар ҳимоя чизиғида рўй берди. Мавсумлар оралиғида жамоани беш ҳимоячи тарк этди. Улар орасида Достон Турсунов, Жавоҳир Жўраев, Суннатуллоҳ Ҳамиджонов, Муҳаммадқодир Ҳамралиев ва Жалолиддин Содиқов бор. Уларнинг ўрнига Одил Абдумажидов (ижара), Искандар Бўсинов ва Аҳмадулло Муқимжонов келишди.

Шунингдек, "Бунёдкор"га йўл олган, аммо Бошковичнинг истеъфосидан сўнг Фарғонанинг "Нефтчи" клуби билан шартнома имзолаган дарвозабон Владимир Назаровнинг ҳам кетишини қайд этиш керак.

Жамоа ҳужум чизиғини ҳам кучайтирди. Олимпия терма жамоаси етакчиларидан бири Жасур Жалолиддинов янги мавсум Тимур Кападзе қўл остида ўйнайди – у "Локомотив"дан ижара асосида ўтди. Клуб ундан ташқари ҳужумчилар Рустам Азимов ва Азамат Абдурашидов билан шартнома имзолади.


Йиғиндаги натижалар

Тимур Кападзе икки таркиб учун Туркияда қишки йиғинларни ўтказди: "Олимпик" ва 23 ёшгача бўлган Ўзбекистон терма жамоаси. "Олимпик" ўйинчиларининг бир қисми олимпия терма жамоаси йиғинида ҳам иштирок этишди. "Олимпик"нинг назорат баҳсларига келса, улар саккизта ўйин ўтказишди, улардан фақатгина иккитасида ғалабага эришилди.

"Олимпик" - "Шериф" (Молдова) - 1:2

"Олимпик" - "Велес Мостар" (Босния ва Герцеговина) - 2:1

"Олимпик" - Иордания U-20 - 0:2

"Олимпик" - "Отетул Галац" (Руминия) - 1:1

"Олимпик" - "Арсенал Тула" (Россия) - 2:4

"Олимпик" - "Динамо" (Россия) 0:1

"Олимпик" - "Валмиера" (Латвия) - 2:3

"Олимпик" - "Алай" (Қирғизстон) - 4:0


Раҳбарият ва мураббийлар штабидаги ўзгаришлар

Сервер Жепаров клубга бош мураббий ёрдамчиси сифатида қўшилди. Шунингдек, клубдан ўтган мавсум U-19 жамоасида фаолият юритган мураббий Акмал Холматовнинг кетганини ҳам қайд этиш керак. У янги мавсум "Бухоро" мураббийлар штабида иш бошлайди.


Қўшимча маълумот

Руслан Жиянов мавсумлар оралиғида Россиянинг "Пари НН" клуби билан шартнома имзолади, аммо клубларнинг келишувига кўра, у мавсум сўнггига қадар "Олимпик"да ҳаракат қилади.

"Олимпик" лигадаги энг ёш таркибга эга. Ўйинчиларнинг ўртача ёши – 20,7 ёш.

Тимур Кападзе 2022 йил Ўзбекистоннинг энг яхши мураббийига айланди. У "Олимпик" бош мураббийи сифатида Суперлигадаги дебют мавсумдаёқ жамоанинг олтинчи ўринни эгаллашини таъминлади.


Эмиль Бекмуҳаммедов тайёрлади

Алишер Остонов таржимаси

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика