ОФК Чемпионлар Лигаси ва ОФК Кубогидан кейинги мусобақани ташкил этмоқчи

"Келинг, Осиё клублар мусобақалари ислоҳоти мавзусига қайтсак. ОФК учинчи турнирни қайта ташкил этиш ва шу тариқа мавжуд иерархияни тиклашни таклиф қилмоқда:

Чемпионлар Лигаси, ОФК Кубоги, ОФК Президенти Кубоги

Лекин қизиқ томони: таклиф этилаётган турнир тузилмасида гуруҳ босқичида иштирок этувчи клублар сони 76 тани ташкил этади:

Чемпионлар Лигаси (24 та), ОФК Кубоги (32 та) ва учинчи мусобақа (20 та)

Бу йил эса икки турнирнинг гуруҳ босқичида 77 та клуб иштирок этди:

Чемпионлар Лигаси (40 та), ОФК Кубоги (37 та)

Унутмайлик, янги тизимда Чемпионлар Лигаси саралаш босқичида мағлуб бўлганларнинг барчаси тўғридан-тўғри ОФК кубоги гуруҳ босқичига йўл олади. Бунда клублар рейтингида бешинчи ёки олтинчи ўринлардан пастроқ ўринларни банд этган мамлакатлар клублари учун ОФК кубогида унчалик кўп ўрин қолмайди. Тожикистон, Қирғиз Республикаси ва Туркманистон клублари эса учинчи даражага тушиб қолишгани боис катта эҳтимол билан нафақат Чемпионлар Лигасини, балки ОФК Кубогини ҳам унутишига тўғри келади. Қолаверса, ушбу турнирда ўйинлар марказий тарзда ўтказилади, шунинг учун мухлислар ўз клубларининг халқаро турнирлардаги уй учрашувларини йиллар давомида кутишлари керак бўлади", – деб ёзади Алишер Никимбаев телеграмдаги ўз каналида.