ОЧЛ. "Локомотив" 1/8 финалда "Ал Ҳилол" билан ўйнайди
04 май 2016 21:49
Янгиликлар

ОЧЛ. "Локомотив" 1/8 финалда "Ал Ҳилол" билан ўйнайди

Теглар : ОЧЛ-2016 Локомотив

ОЧЛ гуруҳ босқичидан ўрин олган "Локомотив" - "Ал Наср" учрашуви ўз якунига етди.

"Темирйўлчилар" "A" гуруҳида биринчи ўринни олиб кейинги босқичга чиқишди. Клуб ўз тарихида илк бор ОЧЛда гуруҳ босқичидан чиқишга эришди. "Локо" 1/8 финалда Саудия Арабистонининг "Ал Ҳилол" жамоасига қарши ўйнайдиган бўлди.

Эслатиб ўтамиз, "Ал Ҳилол" "Пахтакор" ўрин олган гуруҳда 11 очко билан иккинчи ўринни олиб кейинги босқичга чиқди. Ўтган йил ушбу икки клуб гуруҳда тўқнаш келганди. Саудия Арабистонида кечган баҳсда 3:1 ҳисобида мезбонлар зафар қучишганди. Тошкентда "Ҳилол" 2:1 ҳисобида ғалаба қозонганди.

Дастлабки ўйин 17 май куни Саудия Арабистонида бўлиб ўтса, 24 май куни Тошкентда жавоб баҳси ўтказилади.

Ҳавола :

Манба : championat.asia

Янгиликларни Телеграмда ўқинг!

Рейтинг: +9