ОЧЛ-2019. Ўзбекистон чемпиони "B" гуруҳидан жой олади
15 ноя 2018 08:31
Янгиликлар

ОЧЛ-2019. Ўзбекистон чемпиони "B" гуруҳидан жой олади

22 ноябрь куни кейинги йил учун ОЧЛ ва ОФК Кубоги баҳсларига қуръа ташланади.

ОФК вакиллари одатдагидек қайси гуруҳда қайси мамлакат клублари ўйнашини аввалдан ҳал қилиб қўйишди. Бу орқали битта гуруҳда бир мамлакат клублари ҳеч қанақасига тўқнаш келмаслигини таъминлашади.

Демак, 2018 йилги Ўзбекистон чемпиони янги мавсум Осиё чемпионлар лигасида "B" гуруҳидан жой олади. Ушбу гуруҳда Саудия Арабистони ва БАА клублари бўлиши аниқ. Сўнгги жамоа плей-оффдан сўнг маълум бўлади.

Ўзбекистон вице-чемпиони бўлган клуб Ироқнинг "Эйр Форс" ва БААнинг "Ал Наср" клубларини мағлуб эта олса "D" квартетидан жой олади. Бу гуруҳда Эрон, Қатар ва Саудия Арабистони клублари бор.

Ниҳоят, Ўзбекистон кубоги соҳиби АГМК клуби агар "Истиқлол" (Тожикистон) ва "Ал Насср" (Саудия Арабистони) клубларини мағлуб этса "A" гуруҳида ўйнайди. Ушбу гуруҳда БАА ва Ироқ клублари бўлиши аниқ. Яна бир жамоа номи плей-офф босқичидан сўнг маълум бўлади.