Облак Суарес, Феликс, ЧЛ ва Месси-Роналду ҳақида

Биз эса сизга бу интервьюнинг энг муҳим қисмларини тақдим этамиз.

"Мени энг яхшиси деб аташлари жуда ёқимли. Мен яхши натижаларга эришиш учун барчасини ишга соляпман".

Чемпионлар Лигаси ҳақида:

"Ҳар йили биз ушбу турнирни ютиш учун имконият бўлишига умид қиламиз. "Атлетико" билан Чемпионлар Лигаси кубогини бош узра баланд кўтаришдан чиройлироқ нарса йўқ".

Луис Суарес ҳақида:

"Мен "Барселона" унинг бизга қўшилишга изн берганини билганимда хайрон бўлдим. Унинг мавсум сўнггига қадар шу даражада ўйнашига умид қиламан".

Ўзининг келажаги ҳақида:

"Биз бошқа жамоа вакиллари билан гаплашмадик, мен "Атлетико"да қолдим, сабаби мен бу ерда энг юқори мақсадлар учун кураша олишимизни биламан".

Феликс ҳақида:

"У ажойиб ўйинчи. У ёш ва у кўпроқ ишлаши, мураббийни эшитиши ва ундан талаб қилинаётганини қилиши керак. Сиз у билан ва усиз ўйнаганда фарқни сезасиз".

Облак - "Атлетико" етакчиси!

"Мен ўзимни анчадан буён "Атлетико" етакчиси сифатида ҳис қиляпман, мен доим бор кучимни майдонда бераман, агар нимадир ўхшамаётган бўлса, мен ўз эътирозларимни кийим алмаштириш хонасида билдиришдан тортинмайман".

Месси ёки Роналду?

"Месси ақлбовар қилмайдиган ишларни қилади, у жарима майдончаси ичида тўпни эгаллаб, бутун майдонни босиб ўтиб, гол уриши мумкин. Криштиану ҳам ажойиб, у ва Месси - мен қачондир учратган энг кучли икки ўйинчидир".