ОАВга ҳар доим ҳурмат кўрсатган мураббий, Тожикистон МТЖ устози Петр Сегрт "Тожикистоннинг олий тоифали мураббийи" унвонини олди
07 фев 13:40
Янгиликлар

ОАВга ҳар доим ҳурмат кўрсатган мураббий, Тожикистон МТЖ устози Петр Сегрт "Тожикистоннинг олий тоифали мураббийи" унвонини олди

Тожикистон терма жамоаси бош мураббийи, хорватиялик мутахассис Петр Сегрт бошчилигида терма жамоа Қатарда давом этаётган Осиё Кубогида муваффақиятли иштирок этди.

Бу унвон Тожикистон Республикаси ҳукумати ҳузуридаги ёшлар ва спорт ишлари қўмитаси раиси Зулфиқор Гулаҳмадзоданинг буйруғи билан берилди.

Эслатиб ўтамиз, 2023 йилги Осиё Кубогидаги дебют иштирок якунларига кўра Тожикистон терма жамоаси ижобий натижага эришди. Жамоа Доҳада жами 5 та учрашув ўтказди. Петр Сегрт шогирдлари гуруҳ босқичида Хитой билан дуранг ўйнади (0:0), Қатарга ютқазди (0:1), Ливанни мағлуб этди (2:1). Мусобақанинг 1/8 финалида Тожикистон терма жамоаси БАА термасидан кучлироқ бўлиб чиқди (0:0, пенальтилар бўйича – 5:3), аммо чорак финал босқичида Иордания терма жамоасига қарши ўйинда муносиб курашиб, мағлуб бўлди (0:1). Натижада терма жамоа 2023 йилги Осиё Кубогининг кучли саккиз жамоаси қаторидан жой олди.

Ҳавола :

Манба : Тожикистон Футбол Федерацияси

Янгиликларни Телеграмда ўқинг!

Рейтинг: +8