ОАВ: "Реал" ёзда Бейл билан хайрлашади

АS нашрининг хабарига кўра, клуб президенти Флорентино Перес ва бош мураббий Зайниддин Зидан биргаликда ёзда уэльслик футболчини сотишга қарор қилган. Мавсум якунига қадар Бейлнинг ўйини сезиларли ўсишга эришса ҳам, қарор ўзгармайди, дея испан нашри маълумот бермоқда.

"Реал" ёзги трансферлар ойнаси очиқ пайтида жамоани кучайтиришни мақсад қилган. Бунинг учун аввал, Гарет Бейлни сотиш эвазига яхшигина сумма ишлаб олмоқчи экани кўринмоқда. 

29 ёшли вингер 2013 йил ёзда "қироллик клуби" билан шартнома имзолаган. Ўшанда Гарет 101 миллион евро эвазига Лондоннинг "Тоттенхэм" жамоасидан келганди. Унинг амалдаги шартномаси 2022 йил ёзга қадар мўлжалланган.   

Жорий мавсум Бейл ЛаЛиганинг 22 учрашувида 8 та гол уриб, 2 марта голли узатмани амалга оширди.