UZ

Сўнгги янгиликлар

00:21Райан Гравенберх АПЛнинг энг яхши ёш футболчиси деб топилди  1 23:50Элдор Мойлиев: "Иккинчи дақиқадаёқ қизил карточка билан жазоландик ва режамиз ўзгариб кетди"  0 23:31Германия кубоги финали. "Арминия" ва "Штутгарт" ўзаро баҳс олиб бормоқда (онлайн ҳисоб)  2 23:17Эрон кубоги. "Истиқлол" "Санат Нафт"ни мағлуб этиб, финалга чиқди, Машарипов захирада қолдирилди  4 23:11ПСЖ — "Реймс". Франция кубоги финали учун таркиблар маълум  3 23:09Виталий Левченко: "Жокич ва Йовович касал. Кўплаб позицион ҳужумлар уюштирдик"  6 23:05"Милан" — "Монца". Таркиблар маълум  0 23:02Суперлига. "Сўғдиёна" ва "Бухоро" муроса кўчасини танлади  29 22:45Та "Бавария" билан шартнома имзолайди. "Байер" ҳимоячини компенсация эвазига КЖЧга қўйиб юбориш таклифини кутмоқда  0 22:30ОПЛ. "Сабаҳ" ўз уйида ғалабага эришди, Раҳмоналиев захирадан ўйинга қўшилди  0 22:25CAFA U-17 Championship 2025. Ўзбекистон бир киши кам бўлиб Қирғиз Республикасини йирик ҳисобда мағлуб этди  4 22:00"Краснодар" ўз тарихида илк бор Россия чемпиони бўлди  4 21:21Аморим Гарначога янги жамоа қидиришни айтди. Футболчи Европа лигаси финалидан кейин МЮ устозидан норози бўлганди  11 21:10Ла Лига. "Реал" сўнгги ўйинда Мбаппенинг дубли эвазига "Реал Сосьедад"ни мағлуб этди, "қироллик клуби" мавсумни иккинчи ўрин билан якунлади  31 20:59Суперлига. "Нефтчи" ўз майдонида бир киши кам "Шўртан"ни йирик ҳисобда енгди  29

Нойер ЖЧда биринчи рақамли бўлади ёки Россияга умуман бормайди! Янгиликлар

Нойер ЖЧда биринчи рақамли бўлади ёки Россияга умуман бормайди!

Кўпчиликни Жаҳон чемпионатида Германия терма жамоаси дарвозасини ким қўриқлайди, деган савол қизиқтирмоқда.

Немис машинасининг асосий кипери ва жамоа сардори Мануэль Нойер узоқ жароҳатдан яқиндагина қутилди.

Мануэль Нойер гарчи тикланган бўлсада "Бавария" сафида охирги ўйинларда ЖЧни ўйлаб таваккал қилишни истамади.
Айни пайтда Нойер Германия терма жамоаси лагерида Италиядаги йиғинда қатнашмоқда. Нойер машғулотларда умумий гуруҳ билан тўлиқ юкламаларни бажарган ҳолда шуғулланмоқда.

Йоахим Лёв яқиндагина Германиянинг 27 нафар футболчидан иборат кенгайтирилган таркибини эълон қилганди. Таркибда тўртта дарвозабон киритилган: Мануэль Нойер, Тер Штеген, Бернд Лено ва Кевин Трапп. Якуний 23талик рўйхатдан аниқ бир дарвозабон тушиб қолади.

Нойерни Россияда бўладиган Жаҳон чемпионатига боришига кўпчиликда шубҳа йўқ. Лекин Лёв узоқ муддатли оғир жароҳатдан кейин ўйин амалиётисиз қолган Нойердан мундиалда биринчи рақамли кипер сифатида фойдаланадими ёки "Барселона" сафида ажойиб мавсумни ўтказган Тер Штегенга пост ишониб топшириладими, деган савол кўпчиликни қизиқтирмоқда.

Германияда маҳаллий қатор нашрлар ўйин амалиётисиз қолган ва қандай спорт формасидалиги ҳам маълум бўлмаган Нойерни асосий таркибда ўйнатишни катта таваккал деб ҳисоблашмоқда. Мундиалда немис машинаси дарвозасини Тер Штеген қўриқлаши лозим деб ҳисобловчилар ҳам кўпчиликни ташкил этмоқда.

Баъзилар эса Нойернинг маҳорати ва тажрибасига шубҳа қилишмаяпти ва жаҳон чемпионатида айнан "Бавария" посбони ўз жойида бўлиши кераклигини таъкидлашмоқда.

Германия терма жамоаси устози Йоахим Лёв эса бир неча ой аввал ҳам Нойер агарда сафга қайтса, унда Жаҳон чемпионатига иккиланмасдан олиб кетишини маълум қилганди. Аммо Нойернинг тикланиши анча чўзилиб кетди ва дарвозабон мавсумни ўйин амалиётисиз тугатди.

Россияда Германия дарвозасини қўриқлайдиган биринчи рақамли қўлқопни ким кийиши яна актуаль мавзуга айланди.

Айнан шу мавзуда кеча бўлиб ўтган матбуот анжуманида йоахим Лёв аниқ ва лўнда қилиб жавоб қайтарди.

- Мен оптимистик руҳдаман ва Нойер билан ҳаммаси яхши кечишига ишонаман. Акс ҳолда уни Аппианодаги йиғинга олиб келмасдик. Нойер "Бавария"да охирги 2 ҳафта ҳеч қандай чекловларсиз тўлиқ юкламалар билан шуғулланди. Нойерни ЖЧда ўйнаш ёки ўйнамаслиги борасида қарор шундай бўлади: Мануэль Нойер Жаҳон чемпионатига борадиган бўлса, унда 100% майдонга тушишга тайёр ҳолатдагина якуний рўйхатдан ўрин олади. Шунчаки захира варианти сифатида эмас. Нойер ўзини безовта ҳис этса ёки майдонга тушишга тўлиқ тайёр бўлмаса, унда Россияга бормайди. Нуқта. Жамоа сардори шунчаки захирада ўтириш учун мундиалга бормайди.

Bild нашри Йоахим Лёвнинг ушбу сўзларини чоп этди.

Демак Нойер якуний рўйхатга киритилса, унда Германия терма жамоаси дарвозасини ЖЧда ким қўриқлаши ҳақидаги ортиқча саволларга ўрин қолмайди. Акс ҳолда эса Нойер мундиални телеэкран орқали томоша қилади ва унинг ўрнига Трапп ёки Лено якуний рўйхатдан ўрин олади.

Тер Штеген эса Германия терма жамоасининг айни пайтда Нойердан кейинги асосий дарвозабони.

Рейтинг: +40   

Фикрлар

championat.asia
< сўнгги янгиликларни кўриш
Яндекс.Метрика