Нойер "Бавария" билан шартномасини узайтиради
09 мар 2020 02:12
Янгиликлар

Нойер "Бавария" билан шартномасини узайтиради

Дарвозабон клубда 2023 йилга қадар қолади.

"Sporti" нашри хабарига кўра, "Бавария" посбони Мануэль Нойер тез орада клуб билан шартномасини узайтиради. 33 ёшли германиялик футболчининг амалдаги шартномаси 2021 йилнинг ёзига қадар амал қилади. Жамоа раҳбарияти Нойер билан битимни яна икки йилга узайтирмоқчи.

Эслатиб ўтамиз, ёзда Мюнхен клуби сафига "Шальке-04" дарвозабони Александр Нюбель келиб қўшилади. Нюбель келажакда ҳам терма жамоа, ҳам клуб миқёсида Мануэль Нойернинг ўринбосари бўлиши кутилмоқда.

Маълумот учун, Бундеслиганинг жорий мавсумида 25 ўйинда майдонга тушган Нойер 10та баҳсда дарвозаси даҳлсизлигини сақлаб қолган.

Ҳавола :

Манба : Sporti

Янгиликларни Телеграмда ўқинг!

Рейтинг: +6