Нўъмон Ҳасанов: "Таркибни имконият даражасида кучайтирига интиламиз"

Нўъмон ҲАСАНОВ (Пахтакор бош мураббийи): - Олдимизга қўйилган вазифани бажардик ва мамлакат чемпионига айландик. Бундан жуда хурсандмиз. Тезроқ гол уришни истадик ва буни амалга оширдик. Ўйинга жиддий тайёрланганимизни кўрсата олдик.

Мавсум давомида қийин ўйинлар ўтказдик. Биз барча очколаримизни майдондаги кескин курашда олдик. Ҳар бир жамоа бизга кескин қаршилик кўрсатдик.
Танаффусда йигитлардан ҳужумкорликни тўхтатмасликни сўрадик. Шунинг учун ҳужум қилишда давом этиб, иккинчи бўлимда яна 3 тўп киритдик.

- "Пахтакор"нинг баъзи футболчилари трансфер қилиниши ҳақида айтилмоқда.
- Футболчиларга таклифлар бўлса, уларни кўриб чиқамиз. Чемпионлар лигасида яхши ўйнаш ҳамиша мақсадларимиздан биридир. Таркибни имконият даражасида кучайтирига интиламиз.