Нўъмон Ҳасанов: "Жамоага молиявий ҳолат таъсир кўрсатмоқда"

"Ўйинни барча кўрди. Биринчи бўлимда ўйинимиз қовушмади. Иккинчи бўлимда вазиятни ўнглаш учун вазиятлар бўлди. "Локомотив" билан орамиздаги фарқ бир очко қолди. Курашишда давом этамиз.

Фаолиятимдан қониқиш? Бугунги ўйин умуман ёқмади. Айниқса биринчи бўлим. Тўп оширишларда ҳам хатоларга йўл қўйишди йигитлар. Махарадзенинг йўқлиги билинди. 

Рақибга нисбатан бизда кўпроқ вақт бўлганди тайёргарлик учун. Йигитлар толиққанга ўхшаб ҳаракат қилишди. Иккинчи бўлимда ўйинимиз бироз очилди. Аммо, омадимиз келмади. 

Мураббий ютқазди бугун, жамоа эмас. Молиявий муаммолар албатта жамоага таъсир қилади. Лекин, йигитлар бор имкониятларини ишга солиб ҳаракат қилмоқдалар. 

Бизга тўпни қабул қилиб олиб, ҳужум бошлайдиган футболчи керак эди. Иккинчи голдан кейин синиб қолдик. Таваккал қилиб Анвар Солиевни майдонга туширдик. 

Захира ўриндиғимиз тор. У ерда ёш футболчилар ўтиришибди. Каримов, Махарадзеларнинг дисквалификациялари бор. Яна бир қанча жароҳатлар. Искандеров мана энди майдонга тушди. Шароит бўлганида янги футболчиларни ўз сафимизга қўшиб олган бўлардик", дейди "Пахтакор" бош мураббийи.