UZ

Сўнгги янгиликлар

19:05АПЛ. "Брайтон" - "Манчестер Сити" 0:1 (матнли трансляция)  9 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4

Нодирхўжа Юлдашев: Устознинг тадбиридан фотомақола... Янгиликлар

Нодирхўжа Юлдашев: Устознинг тадбиридан фотомақола...

"Бунёдкор" - "Зобаҳан" учрашувида устоз "бир гап бор, Тошкентда кўришайлик", - деган эдилар.

Бундан бир неча кун аввал ЎФФ биносида устоз Ахбор дода Имомхўжаев билан кўришдим. Шунда у киши, фарзандларидек бўлиб қолган журналист, ҳам шогирдлари Ҳамрохон Мусурмонова томонидан, “Ўзимизнинг Ахбор ака” номли китобини ёзганлиги ва шуни тақдимоти устида иш олиб бораётганликларини айтиб ўтдилар. 


Кўплаб тадбирларни ўтказиб юрганимиз учун бўлса керак, устоз бу масалада айнан бизни ҳамкорликка чақирганликлари, ўзимизга бўлган ишончни яна бир бор оширди ва тез кунда Диёр билан ҳамкорликда тадбир режасини туздик. Ҳудди чет элларда бўлгани каби, аввал китоб тақдимоти бўлиши, унда иштирок этадиган меҳмонларга китоб, муаллиф ва китоб қаҳрамони ҳақида ахборотлар берилиши керак эди. Ташқарида эса китоб савдоси авжида бўлиши ҳам режамизда бор эди. Китоб ҳам жуда арзон, бор йўғи 12 000 сўм. 

Бу ердан биз ўз танишларимизни, у ерда Диёр додасининг яқинларини йиға бошлади. Қисқа муддат ичида амалга оширилган тадбиримизга Ахбор доданинг юздан ортиқ яқинлари ташриф буюрдилар. Уларнинг қувончлари, бизнинг қувонч эмасми? Шундай файзли ёшда, файзли тадбирнинг шоҳи бўлиб турган Ахбор Имомхўжаевни кўрар эканман, бир зум кўз олдимдан додам ўтдилар. Агар менинг додам 1997 йил Ўзбекистон - Қозоғистон учрашувига олиб бормаганларида, мен футболга бундай муккасидан кетмаган бўлар эдим ва мен ҳозир Ахбор дода билан бир столда ўтирмаган бўлар эдим...


Тадбир ҳудди биз кутганимиздек бўлди. Аввалига фақат кекса ёшдаги танишлар кела бошладилар. Бироз ўтиб, улар қаторини ёшлар тўлдирдилар. Бугунги кунда қалам тебратаётган, ТВ, радио, газета ва сайтларда ишлаётган ҳамкасбларимиз тадбирни тўлдира бошладилар. "Локомотив", "Пахтакор", "Андижон", "Олмалиқ"дан вакиллар қатнашиб ўз архивлари учун китобларни харид қилдилар.

Мурожаатимиз бекор кетмагани кўрдик, сайтимиз ўқувчилари ҳам тадбирда қатнашиб бизни хурсанд қилдилар. 

Тадбир чоғида мен ҳам устозга атаб ёзилган китобга дастхат қўйдириш учун ўз навбатимни кутиб турардим. Устознинг олдиларида, мен учун яна бир қадрдон устозлардан бири бўлган Владимир Сафаров ҳам ўтирар эдилар. Владимир Ашотович ва Ахбор Рустамович ўрталарида турар эканман, Владимир Ашотовичга, "мен ҳозир ўзимни Пеле ва Марадонанинг ўртасида тургандек ҳис этаяпман", дедим. Бунга жавобан, Владимир Ашотович, "қўйсангчи", дея жилмайиб қўйдилар. Ҳақиқатдан ҳам бу икки кишининг ўзбек футболи журналистикасига қўшган ҳиссалари ҳаддан ташқари зиёда. Ахбор дода фаолиятини ТВ ва радиога бағишладилар, ундан сўнг кўплаб китобларнинг муаллиф бўлдилар. Владимир Ашотовичнинг эса ўзбек футболига оид 70 йиллик (!!!) статистикаси мавжуд.


Шуни айтишим мумкинки, тадбирда қатнашмаган ОАВ вакиллари ёки келиши мумкин бўлиб, кела олмаган мухлислар жуда катта воқеаликни кузата олмадилар. 

Ҳали китоблар етарлича, яна бир икки тадбир ўтказиш режада йўқ эмас. Бунисини ўтказиб юбормайсиз деб ўйлаймиз.

ФОТОГАЛЕРЕЯни томоша қилиш.

Нодирхўжа Юлдашев

Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика