Нима?! Ромарио 58 ёшида фаолиятини давом эттиришга қарор қилди

"Барселона" собиқ ўйинчиси ва Бразилия терма жамоаси сафида жаҳон чемпиони бўлган Ромарио ўзи клуб президенти ҳисобланадиган ва Рио-де-Жанейро штатининг иккинчи дивизионида иштирок этувчи "Америка" клуби қайдномасига киритилди. Ромарио "Америка" билан шартномаси бўйича мумкин бўлган энг кам иш ҳақини олади ва уни клубга хайрия сифатида қайтаради.

"Севимли "Америка" жамоамга айрим ўйинларда бироз ёрдам бермоқчиман. Шунингдек яна бир орзуим, аниқроғи ўғлим Ромариньо билан ўйнаш орзусини амалга оширмоқчиман. Барчага қўллаб-қувватлаш учун раҳмат!", – деб ёзди Ромарио твиттерда.