Неймарнинг янги мавсумда қайси жамоада ўйнаши аниқми?
26 июл 2017 23:25
Янгиликлар

Неймарнинг янги мавсумда қайси жамоада ўйнаши аниқми?

"Барселона" раҳбариятига Неймарни кетиши ҳақида огоҳлантириш бўлган, аммо улар бунга ҳеч қандай реакция қилишмаган, дея хабар бермоқда "Sport.es" нашри.

Неймар масаласи бўйича июль ойининг бошларида "Барселона" раҳбариятига маълум қилишган. Бироқ каталонияликлар футболчи ПСЖга ўтаётгани ҳақидаги гапларга парво қилишмаган. Сабаби, улар ПСЖ клуби Неймарнинг шартномасида кўрсатилган 222 миллион еврони тўлашларига ишонишмаган.

Матбуот Неймарни ПСЖга ўтиши мумкинлиги ҳақидаги хабарлар тарқалгач, "Барселона" президенти ҳамда Неймар ўртасида таътилдан кейин учрашув бўлган. Бунга қадар эса Неймарнинг отаси ПСЖ вакиллари билан фаол музокара ўтказган ва шахсий шартнома борасида келишувга эришган.

Неймар эса "Барселона" президенти билан бўлган суҳбатда жамоада қолиши ҳақида ҳеч нарса демаган.
Кейинчалик эса "Барселона" ташвишга туша бошлаган. Шундан сўнг жамоа футболчилари Неймарни қолишга кўндиришга уринишган.
Аввалига улар буни уддаладик деб ўйлашган, аммо футболчи барибир ПСЖга ўтиш эҳтимоли катталигича қолмоқда.

Тез орада ҳаммаси расман маълум бўлиши кутилмоқда.
Испания нашрларининг ёзишича, Неймар катта эҳтимол билан келаси мавсумни Ла Лигада бошламайди.

Ҳавола :

Манба : championat.asia

Янгиликларни Телеграмда ўқинг!

Рейтинг: +8