Невилл: "Глейзерлар Европани фермага айлантирмоқчи бўлди"

"Бу норозиликлар ўзидан ўзи бўлиб қолгани йўқ. Бундан икки ҳафта олдин Глейзерлар ва "Ливерпуль" эгалари нафақат Англияни, балки, бутун Европани фермага айлантирмоқчи бўлди. Улар катта пул тўплаб, бошқалардан пулларни айиришни исташди.

"Манчестер Юнайтед" ҳамда "Ливерпуль" - инглиз футболининг отахонлари. Улар ўз тажрибаларини, керак бўлса, пулларини ҳам бошқалар билан бўлишиши керак. Аньелли ёки Глейзерларнинг қилган ишини ҳеч қаерда оқлаб бўлмайди. Ачинарлиси, бундай инсонларга Англия футболида ўрин бўлмаслиги керак.

Глейзерлар футбол ичида бўлмаган. У ўз айбини ювгани ҳам, омма олдида чиқиш ҳам қилгани йўқ. У мухлислар билан мулоқотда ҳам бўлмайди. Алам қиладигани шуки, айбли иш қилганидан кейин мухлислардан узр ҳам сўрамади. Мухлисларнинг норозилиги сабаби шунда. Ҳа, бугун мухлисларни эшитишимиз керак. Уларга намойишларга қўйиб беришимиз керак. Аммо эртага регламент гапиради. Айбдорлар ўз жазосини олади. Бироқ бугун биз фақатгина мухлисларни тинглашга мажбурмиз", - деди Невилл.