"Нефтчи" хорижлик ҳужумчи билан шартнома имзолади
10 фев 2024 16:06
Янгиликлар

"Нефтчи" хорижлик ҳужумчи билан шартнома имзолади

Янги мавсум учун таркибни кучайтираётган "Нефтчи" навбатдаги трансферини эълон қилди.

Руминиялик тажрибали ҳужумчи Михай Роман "Нефтчи" билан битим тузди. Бу ҳақда "Нефтчи" матбуот хизмати эълон қилди.

Михай Роман ўтган мавсум Руминиянинг юқори дивизионида иштирок этган "Петрорул" шарафини ҳимоя қилди.

"Фаолияти давомида Руминия клубларидан ташқари Нидерландия ЭРЕДИВИЗИЕ лигасида ва Исроил чемпионатида тўп сурди. Михай Роман Руминия кубоги соҳиби ҳисобланади.

Шу кунгача 300 дан ортиқ учрашувларда майдонда ҳаракатланган футболчи 69 та тўп киритишга муваффақ бўлиб, 28 та голга ассистентлик қилган.Бўйи 188 см.га эга бўлган футболчининг транфермаркт сайтидаги нархи 400 000 еврони ташкил этади" - дейилади "Нефтчи" баёнотида.

Ҳавола :

Манба : t.me/pfcneftchi_uz

Янгиликларни Телеграмда ўқинг!

Рейтинг: +15