"Нефтчи": Тошкент йиғини якунланди

Мурод Исмоилов бошқарувидаги жамоа  бугун сўнгги назорат учрашувида майдонга тушди. Бу сафарги рақиб Ғузорнинг “Шўртан” жамоаси бўлди.

Учрашув синов-назорат ўйини мақомини олгани учун жамоалар натижадан ҳам кўра асосий эътиборни ўйин услубни тўғри йўлга қўйишга эътибор қилди.

“Нефтчи” қуйидаги таркибда ҳаракат қилди: Сардор Қобулжонов, Дилёр Ирматов, Руслан Мелзитдинов, Иқбол Бобохонов, Вячеслав Пономарёв, Умид Қодиров, Александру Оника, Жавоҳир Расулов, Акмал Холматов, Рўзимбой Аҳмедов Андрей Акопянц.

Захирадан тушганлар: Абдумавлон Абдужалилов, Абдуллоҳ Олимов, Сайдулло Раҳматов, Муродбек Бобожонов, Музаффар Музаффаров, Носир Отақўзиев.

Ўйинда томонларга 1:1 ҳисобида дурангга имзо чекди. Жамоамизнинг голига Рўзимбой Аҳмедов муаллифлик қилди.

Шундан сўнг ийд-рамазон ҳайит байрами муносабати билан футболчиларга қисқа муддатга дам берилди. Энди жамоа 29 июль куни Фарғонада йиғилади. 

Иккинчи давранинг илк учрашувида ўз майдонида “Бухоро”ни қабул қиладиган “Нефтчи” 3 август куни бўлиб ўтадиган ўйинга қадар ўз қароргоҳида шуғулланади.