"Нефтчи": Футболчиларимиз терма жамоаларда
29 авг 2014 14:42
Янгиликлар

"Нефтчи": Футболчиларимиз терма жамоаларда

Бир қатор футболчиларимиз терма жамоаларимиз йиғинига таклиф этилди.

Хусусан, 26-31 август кунлари Иорданияда хориж йиғинини ташкил этадиган U-22 терма жамоамизга "Нефтчи"нинг уч нафар аъзоси ҳам чақирув олган. Булар ҳимоячи Сардор Раҳмонов, Абдуллоҳ Олимов ва Жавоҳир Расуловдир.

Айтиш лозимки, ушбу футболчиларимиз терма жамоанинг олдинги йиғинларида ҳам иштирок этганди. Шуҳрат Мақсудов бош мураббийлигидаги терма жамоа ўзининг навбатдаги йиғинини ўтказиш учун 26 август куни Иордания пойтахти Амман шаҳрига жўнаб кетди.

Амманда 31 августгача йиғин ўтказадиган Ўзбекистон U-22 ёшлари 30 август куни мезбонлар - Иордания U-22 ёшлар терма жамоасига қарши ўртоқлик учрашувини ўтказади.

Эслатиб ўтамиз, Ўзбекистон U-22 терма жамоаси келаси йилнинг март ойида ўтказилиши режалаштирилган U-22 Осиё Чемпионати саралаш баҳсларида иштирок этади.

Шунингдек "Нефтчи"нинг яна бир иқтидорли ҳимоячиси Достон Турсунов ҳам U-19 терма жамоанинг навбатдаги йиғинига чақирув олган. Равшан Ҳайдаров бошқарувидаги терма жамоа куни-кеча Тошкентда йиғилди.

Ҳавола :

Манба : fcneftchi.uz

Янгиликларни Телеграмда ўқинг!

Рейтинг: