“НБУ-ОСИЁ” ўртоқлик учрашувда ғалаба қозонди

Жумладан, Руфат Акрамхўжаев бошчилигидаги “НБУ- ОСИЁ” жамоаси ҳам қишки танаффусдан унумли фойдаланиш ҳаракатида бир қатор ўртоқлик учрашувларда ўз кучларини синаб кўришаяпти. 22 январь куни навбатдаги ўртоқлик учрашувда “Локомотив”нинг ёшлар жамоаси билан куч синашган Руфат Акрамхўжаев шогирдлари йирик 3:0 ҳисобида ғалаба қозонишди. Дастлаб, 52-дақиқада ўн бир метрлик жарима тўпидан Миршохид Олимов ҳисобни очган бўлса, 57-дақиқада Аббос Пўлатов ва орадан 10 дақиқа ўтиб Улуғбек Боқиев кейинги голларнинг муаллифига айланишди.

Жамоа таркиби қуйидагича кўриниш олди: Искандар Мўминов, Аббос Пўлатов, Жавлон Гусейнов, Абубакр Абдураҳмонов, Мухиддин Жумабоев, Аваз Исматов, Миршохид Олимов, Леонид Кошелев, Иьлгиз Бикмайкин, Даврон Валижонов, Александр Лупашко.
Заҳирадан майдонга тушганлар: Улуғбек Боқиев, Элдор Чориев, Фарход Бахтиёров.