“Навбаҳор”нинг ўз майдонидаги ғалабасиз серияси тўрт ўйинга етди

Шундай қилиб водий клубининг ўз уйидаги ғалабасиз серияси тўртта ўйинга етди.

“Лочинлар” охирги марта биринчи давранинг сўнгги туридан ўрин олган “Металлург”га қарши ўйинда Косонсойда зафар қучишганди (2:1). Ундан сўнг “Нефтчи” ва “Динамо” билан дуранг қайд этилди, “Бухоро”га 2:3, “Олмалиқ”қа 1:3 ҳисобларида имконият бой берилди.

Ўз майдонидаги тўрт ўйинлик ғалабасиз серия охирги марта 2011 йил қайд этилганди. Ўшанда Наманган клуби ўз уйида “Шўртан”, “Андижон” ва “Насаф” билан дуранг ўйнаб, “Олмалиқ”қа ютқазиб қўйганди.

Умуман олганда “Навбаҳор” бу мавсумда ўз майдонидан кўра сафарда кўпроқ очко олган. Косонсойда кечган 10та ўйиндан 9 очко жамғарилган бўлса, сафардаги 10та баҳсда 11 очко қўлга киритилган. Бу йил ўз майдонидаги ўйинларда энг кам очкони айнан “лочинлар” жамғаришган. Иккинчи даврада ҳозирга қадар ўз майдонида ғолиб бўла олмаган ягона клуб ҳам айнан “Навбаҳор” ҳисобланади.